آسٹریلیا کے وزیرِ اعظم انتھونی البانیز نے اپنی دیرینہ ساتھی جوڈی ہیڈن سے شادی کر لی۔
میڈیا رپورٹس کے مطابق جوڑے کی شادی 29 نومبر 2025 کو وزیرِ اعظم کی سرکاری رہائش گاہ پر ایک نجی تقریب میں ہوئی۔ یہ پہلا موقع ہے کہ کوئی موجودہ آسٹریلوی وزیرِ اعظم اپنی مدتِ اقتدار کے دوران شادی کے بندھن میں بندھا ہو،تقریب محدود پیمانے پر منعقد کی گئی جس میں صرف قریبی دوستوں اور خاندان کے افراد نے شرکت کی۔ دلہن جوڈی ہیڈن سفید رنگ کے خوبصورت اور نفیس گاؤن میں جبکہ وزیرِ اعظم انتھونی البانیز نیوی بلو سوٹ میں ملبوس نظر آئے،دلچسپ بات یہ ہے کہ جوڑے کے پالتو کتے ٹوٹو نے بھی تقریب میں شرکت کی اور وہ ’رِنگ بیئرر‘ یعنی شادی کی انگوٹھی سنبھالنے کی ذمہ داری ادا کرتا رہا،تقریب میں خاص موسیقی اور خصوصی طور پر تیار کی گئی شراب پیش کی گئی۔ یہ مکمل طور پر ذاتی نوعیت کی تقریب تھی جس کا کسی سیاسی یا سرکاری سرگرمی سے تعلق نہیں تھا۔
