کراچی:سندھ ہائیکورٹ بار ایسوسی ایشن کے انتخابات، صدارتی نشست کا غیر سرکاری ،غیرحتمی نتیجہ سامنے آ گیا حسیب جمالی 2679ووٹ لیکر کامیاب ہو گئے ،سرفراز میتلو نے2604 ووٹ حاصل کیے ہیں نائب صدر طارق علی جکھرانی 1497 ووٹ لے کر کامیاب ہوئے ہیں.جنرل سیکریٹری نشست پر فریده منگریو 2582 ووٹ لیکر کامیاب ہوئے ہیں.حسیب جمالی سابق چیف جسٹس انور ظہیر جمالی کے صاحب زادے ہیں
وکلا برادری کا کہنا ہے کہ سندھ ہائیکورٹ بار ایسوسی ایشن کے انتخابات میں محمد حسیب جمالی کو سندھ ہائی کورٹ بار ایسوسی ایشن کا صدر منتخب ہونے پر دل کی گہرائیوں سے مبارکباد پیش کرتے ہیں، حسیب جمالی کی کامیابی وکلاء برادری کے ان پر بھرپور اعتماد کا اظہار ہے اور امید ہے کہ وہ وکلاء کی فلاح و بہبود، آئین و قانون کی سربلندی، عدلیہ کی آزادی اور بار و بینچ کے مضبوط تعلق کے لیے مؤثر اور فعال کردار ادا کریں گے۔سندھ ہائیکورٹ بار ایسوسی ایشن کے دیگر منتخب عہدیداران، نائب صدر طارق علی جکھرانی، جنرل سیکرٹری فریدہ منگریو، خواتین کی ایڈیشنل سیکرٹری روپ مالا، جوائنٹ سیکرٹری حزیفہ اور خازن سید نعمت اللہ کو بھی کامیابی پر مبارکباد پیش کرتے ہیں اور امید کرتے ہیں کہ پوری کابینہ مل کر وکلاء برادری کے مسائل کے حل، نوجوان وکلاء کی پیشہ ورانہ تربیت اور سائلین کو فوری اور سستا انصاف مہیا کرنے کے لیے اپنی صلاحیتیں بروئے کار لائے گی۔
