جنوبی افریقی کرکٹ ٹیم کے سابق کپتان فاف ڈوپلیسی نے طویل عرصے بعد انڈین پریمیئر لیگ (آئی پی ایل) کو خیرباد کہتے ہوئے پاکستان سپر لیگ (پی ایس ایل) میں حصہ لینے کا فیصلہ کر لیا ہے۔
سابق کپتان نے سوشل میڈیا پر جاری بیان میں تصدیق کی کہ وہ 14 سیزنز بعد آئی پی ایل نیلامی میں اپنا نام نہیں دیں گے۔ فاف ڈوپلیسی کا کہنا تھا کہ وہ اب نئے چیلنج کے طور پر پی ایس ایل کا انتخاب کر رہے ہیں۔اپنے پیغام میں انہوں نے بھارت میں گزارے گئے وقت کو ’’یادگار‘‘ قرار دیتے ہوئے کہا کہ بھارتی کرکٹ نے انہیں بے شمار یادیں، تجربات اور عزت دی۔ انہوں نے واضح کیا کہ یہ الوداع نہیں بلکہ وقفہ ہے، وہ دوبارہ بھارت آئیں گے۔
فاف ڈوپلیسی نے پی ایس ایل میں شمولیت کے حوالے سے کہا کہ وہ نئے ملک، نئی لیگ اور نئے ماحول کو ایک دلچسپ تجربہ کے طور پر دیکھ رہے ہیں اور پاکستان کی مہمان نوازی سے لطف اندوز ہونے کے منتظر ہیں۔ انہوں نے شائقین کو جلد ملاقات کی خوشخبری بھی دی۔
بھارتی گودی میڈیا اور سرکاری ایکس اکاؤنٹس امریکہ اور آئرلینڈ سے چلنے کا انکشاف
