پنجاب بھر میں ٹریفک نظام کی بہتری کے لیے شروع کی گئی خصوصی مہم کے دوران ٹریفک پولیس نے گزشتہ 48 گھنٹوں میں بڑے پیمانے پر کارروائیاں کرتے ہوئے 7 کروڑ 12 لاکھ روپے سے زائد کے چالان جاری کیے۔
مختلف ٹریفک خلاف ورزیوں پر 76 ہزار سے زیادہ شہریوں کو چالان جبکہ سنگین قوانین کی خلاف ورزی پر 1402 ایف آئی آرز درج کی گئیں۔ترجمان ٹریفک پولیس کے مطابق بغیر ڈرائیونگ لائسنس گاڑی چلانے پر 11 ہزار 700 افراد کے خلاف کارروائی کی گئی، جن پر بھاری جرمانے عائد کیے گئے۔ ون وے کی خلاف ورزی پر بھی 4 ہزار سے زائد شہریوں کے خلاف سخت قانونی ایکشن لیا گیا۔موٹر سائیکل سواروں کی جانب سے ہیلمٹ نہ پہننے کی شکایت پر 12 ہزار سے زیادہ افراد کو چالان ٹکٹ جاری کیے گئے، جبکہ پبلک ٹرانسپورٹ میں اوورلوڈنگ کے خلاف کیے گئے کریک ڈاؤن کے دوران 1397 گاڑیوں کو جرمانے کیے گئے اور متعدد گاڑیاں بند بھی کی گئیں۔
کم عمر ڈرائیونگ کے معاملے پر پولیس نے 3 ہزار سے زائد کم عمر ڈرائیورز کے خلاف کارروائی کی۔ اسی طرح غیر نمونہ نمبر پلیٹس استعمال کرنے والے 3875 شہریوں کے خلاف اور غلط پارکنگ پر 1262 ڈرائیورز کے خلاف بھی ایکشن لیا گیا۔دھواں چھوڑنے والی گاڑیوں کے خلاف بھی بڑا آپریشن کیا گیا، جس میں 7200 سے زائد گاڑیوں کو چالان کیا گیا جبکہ کئی گاڑیاں موقع پر سیل کر دی گئیں۔مزید بتایا گیا کہ ٹریفک میں رکاوٹ ڈالنے والے نشئی افراد اور بھکاریوں کے خلاف بھی کاررروائیاں کی گئیں، جن میں 36 مقدمات درج کیے گئے۔
ترجمان کا کہنا ہے کہ اس خصوصی مہم کا مقصد شہریوں میں قانون کی پاسداری کو فروغ دینا اور حادثات کی شرح میں کمی لانا ہے، اس لیے خلاف ورزیوں کے خلاف سخت کارروائی آئندہ دنوں میں بھی جاری رہے گی
رقیہ غزل کا منفرد ادبی رنگ،تحریر:سعدیہ ہاشم
فلسطینیوں سے یکجہتی کا عالمی دن، غزہ میں سوگ، کارروائیاں ناقابلِ قبول
بنگلہ دیش،خالدہ ضیا کے علاج پر فیصلہ میڈیکل رپورٹ سے مشروط
