چین کے سفیر جیانگ زائی دونگ نے آج نائب وزیر اعظم اسحٰق ڈار سے ملاقات کی، جس میں پاکستان اور چین کے درمیان مختلف شعبوں میں دوطرفہ تعاون پر تفصیلی گفتگو کی گئی۔
ترجمان دفتر خارجہ طاہر حسین اندرابی کے مطابق اسحٰق ڈار نے ملاقات کے دوران تاجکستان میں افغان سرحد کے قریب تین چینی شہریوں کے المناک قتل پر تعزیت کا اظہار کیا اور متاثرین کے خاندانوں کے ساتھ ہمدردی کی۔نائب وزیراعظم نے ہانگ کانگ کے وانگ فُک کورٹ رہائشی کمپلیکس میں لگنے والی حالیہ خوفناک آگ میں قیمتی جانوں کے ضیاع پر بھی گہرے دکھ کا اظہار کیا اور چینی عوام سے یکجہتی کا پیغام پہنچایا۔ملاقات میں اسحٰق ڈار نے کہا کہ پاکستان ان مشکل لمحات میں چین کے ساتھ مکمل یکجہتی کے ساتھ کھڑا ہے۔ دونوں رہنماؤں نے باہمی تعاون کے لیے موجودہ روابط کو مزید مضبوط بنانے پر بھی اتفاق کیا۔
ترجمان کے مطابق ملاقات میں علاقائی اور بین الاقوامی امور پر بھی گفتگو ہوئی اور دونوں ممالک نے قریبی سفارتی رابطے جاری رکھنے کے عزم کا اعادہ کیا
بنگلادیش، خالدہ ضیاء کی حالت نازک، آئی سی یو میں زیر علاج
چیف آف ڈیفنس فورسز کے نوٹیفکیشن پرعمل شروع کر دیا گیا
