پنجاب ٹریفک پولیس نے صوبے میں بڑے پیمانے پر کریک ڈاؤن کرتے ہوئے 24 گھنٹے میں 63 ہزار 970 گاڑیوں اور موٹرسائیکلوں کے چالان کردیے۔
ترجمان ٹریفک پولیس کے مطابق قوانین کی خلاف ورزی پر ایک دن میں مجموعی طور پر 8 کروڑ 42 لاکھ 90 ہزار 950 روپے کے جرمانے عائد کیے گئے، جبکہ 23 ہزار 904 گاڑیاں مختلف تھانوں میں بند کی گئیں۔ترجمان کے مطابق پنجاب کے بڑے شہروں لاہور، راولپنڈی، فیصل آباد، گوجرانوالہ اور ملتان میں ڈرونز کے ذریعے نگرانی جاری ہے، جب کہ ٹریفک کوئیک فورس کی خصوصی ٹیمیں بھی ڈیوٹی پر تعینات ہیں۔
ہیلمٹ نہ پہننے کی خلاف ورزی پر ایک ہی دن میں 28 ہزار چالان کیے گئے، جب کہ 4 ہزار 312 افراد کے خلاف مقدمات بھی درج کیے گئے۔ڈی آئی جی ٹریفک پنجاب وقاص نذیر نے شہریوں پر زور دیا کہ قوانین کی پابندی کریں تاکہ جرمانوں اور قانونی کارروائی سے بچا جا سکے
وزیراعظم 6 روزہ غیر ملکی دورے کے بعد وطن واپس پہنچ گئے
راولپنڈی میں بھی دفعہ 144 نافذ، جلسے جلوس ممنوع
چیف آف ڈیفنس فورسز کے نوٹیفکیشن میں تاخیر کا تاثر غلط ہے، رانا ثنااللّٰہ
