وفاقی وزیر اطلاعات عطاء اللہ تارڑ نے ”پاکستان پاپولیشن سمٹ“ سے خطاب کرتے ہوئے کہا ہے کہ ہر سال ہماری آبادی میں نیوزی لینڈ کی آبادی کے برابر اضافہ ہو رہا ہے،
وزیر اطلاعات عطا تارڑ کا کہنا تھا کہ زندگی کا بنیادی حق آبادی کے مسئلے سے منسلک ہے، آبادی میں تیزی سے اضافہ تشویشناک ہے،آگاہی کے فقدان سے آبادی کا چیلنج مزید سنگین ہوتا جا رہا ہے، بڑھتی ہوئی آبادی کے چیلنج سے نمٹنے کے لئے آگاہی پھیلانا ضروری ہے،بڑھتی ہوئی آبادی کی وجہ سے صحت، تعلیم اور دیگر شعبوں میں چیلنجز سامنے آ رہے ہیں،بڑھتی آبادی سے وسائل پر دباؤ پڑ رہا ہے، آبادی کے چیلنج سے نمٹنے کے لئے معاشرے کے ہر طبقے کو اپنا کردار ادا کرنا ہوگا، صحت کے پہلوئوں اور زندگی کے حق کے حوالے سے بحیثیت قانون ساز ہمیں اپنا کردار ادا کرنا ہوگا، بڑھتی آبادی ترقی کی رفتار سست کر سکتی ہے، بڑھتی آبادی معیشت اور بنیادی سہولیات پر بوجھ ڈال رہی ہے، ہمارے ریجن میں ورکنگ وومن کی شرح دیگر خطوں کے مقابلے میں کم ہے.یہ معاشرتی مسئلہ ہے اسے آگاہی کے ذریعے حل کرنا ہوگا، آبادی کے مسئلے سے نمٹنے کے لئے ورکنگ گروپ تشکیل دینا ضروری ہے،
