پسرور(باغی ٹی وی،نامہ نگار وقاص اسلم)تحصیل پسرور میں ایم سی پارک کی ری ویمپنگ کا کام شروع کر دیا گیا ہے اور گرین بیلٹس میں نئے پودے لگائے جا رہے ہیں۔ پارک میں شیڈز کی مرمت، پینٹ، نئے کوڑے دان، بینچز، صفائی اور نئی گھاس کی تنصیب کے ساتھ مزید پودوں کا اضافہ بھی کیا جا رہا ہے۔
اسسٹنٹ کمشنر پسرور سدرہ ستار نے جاری کام کا معائنہ کیا اور ضروری ہدایات جاری کیں۔ انہوں نے کہا کہ حکومت پنجاب کے وژن کے مطابق شہریوں کو صاف اور خوشگوار ماحول فراہم کرنے کے اقدامات کیے جا رہے ہیں اور ایم سی پارک کی ری ویمپنگ اس کا اہم حصہ ہے۔
انہوں نے مزید کہا کہ پارک میں سیر کرنے والے شہریوں اور فیملیز کے لیے پر سکون ماحول فراہم کیا جائے گا، نئے درخت لگائے جا رہے ہیں اور شیڈز کی سہولیات بھی فراہم کی جائیں گی۔ اس کے ساتھ ساتھ شہر کی گرین بیلٹس کی دیکھ بھال کی جا رہی ہے اور ان میں نئے پودوں کا اضافہ کیا جا رہا ہے۔
