قائد اعظم ٹرافی کے فائنل کے تیسرے روز کراچی بلیوز نے اپنی دوسری اننگز میں ایک وکٹ کے نقصان پر 202 رنز بنا کر سیالکوٹ ریجنز کے خلاف مجموعی طور پر 276 رنز کی مضبوط برتری حاصل کرلی۔
کراچی بلیوز کی بیٹنگ لائن نے شاندار کارکردگی دکھائی، جہاں عبداللہ فضل 104 رنز کے ساتھ کریز پر موجود ہیں جبکہ ہارون ارشد بھی 55 رنز بنا کر ناٹ آؤٹ ہیں۔اس سے قبل سیالکوٹ ریجنز کی ٹیم پہلی اننگز میں 266 رنز پر آؤٹ ہوئی۔ سیالکوٹ کی جانب سے محسن ریاض نے 71، حمزہ نذر نے 64 اور حسن علی نے 41 رنز کی اننگز کھیلیں۔کراچی بلیوز کی بولنگ میں ثاقب خان اور محمد عمر نمایاں رہے، دونوں نے 4، 4 کھلاڑیوں کو آؤٹ کیا۔ پہلی اننگز میں 64 رنز کی برتری حاصل کرنے کے بعد کراچی بلیوز نے دوسری اننگز کا آغاز کیا اور دن کے اختتام تک صرف ایک وکٹ گنوا کر 202 رنز جوڑ لیے
آکسفورڈ یونین کی تاریخ میں پہلی فلسطینی صدر کامیاب
