امریکہ کے امیگریشن اور کسٹمز انفورسمنٹ (ICE) نے ایک افغان شہری، جان شاہ صافی، کو داعش خراسان کی حمایت کے الزام میں گرفتار کر لیا ہے۔ حکام کے مطابق صافی نے دہشتگرد تنظیم کو معاونت فراہم کی اور افغانستان میں اپنے والد، جو طالبان کمانڈر ہیں، کو ہتھیار بھی مہیا کیے۔
تفصیلات کے مطابق جان شاہ صافی 8 ستمبر 2021 کو سابق امریکی صدر جو بائیڈن کے "آپریشن ایلیز ویلکم” پروگرام کے تحت امریکہ پہنچا تھا، جس کے ذریعے ہزاروں افغان شہریوں کو امریکہ میں پناہ دی گئی تھی۔امریکی حکام کا کہنا ہے کہ صافی اس ہفتے گرفتار ہونے والا تیسرا افغان نژاد مشتبہ دہشتگرد ہے، جس سے اس پروگرام کے تحت آنے والے افراد کی پس منظر کی جانچ اور نگرانی سے متعلق خدشات بڑھ گئے ہیں۔
