پسرور (باغی ٹی وی، نامہ نگار وقاص اسلم) سیالکوٹ کے ٹوڑھے گراؤنڈ میں وکی الیون اور سیالکوٹی ٹائیگر کے درمیان 20 اوورز پر مشتمل کرکٹ میچ میں شاندار مقابلہ دیکھنے کو ملا۔ ٹاس جیت کر وکی الیون نے پہلے بیٹنگ کا فیصلہ کیا اور بہترین کھیل کا مظاہرہ کرتے ہوئے 232 رنز کا بڑا ہدف قائم کیا۔
وکی الیون کی جانب سے کپتان علی بھائی نے شاندار 78 رنز کی اننگز کھیلیں، جبکہ نائب کپتان عمر بھائی نے 38 رنز اسکور کیے۔ ڈاکٹر زرگام عباس نے ٹیم کے لیے اہم 56 رنز بنائے اور ابوبکر باجوہ نے ذمہ دارانہ کھیل کا مظاہرہ کرتے ہوئے 32 رنز کی اننگز مکمل کی۔
ہدف کے تعاقب میں سیالکوٹی ٹائیگر نے بہتر کھیل پیش کیا، تاہم پوری ٹیم مقررہ سکور حاصل نہ کر سکی اور میچ وکی الیون کے نام 15 رنز سے رہا۔ دونوں ٹیموں کے کھلاڑیوں کی عمدہ کارکردگی اور سنسنی خیز مقابلے نے شائقین کرکٹ کو میچ کے دوران خوب محظوظ کیا۔
