صوبہ پنجاب میں کاؤنٹر ٹیررازم ڈیپارٹمنٹ (سی ٹی ڈی) نے پنجاب کے مختلف علاقوں میں کارروائیوں کے دوران مختلف کالعدم تنظیموں سے تعلق رکھنے والے 24 دہشت گردوں کو گرفتار کر کے دہشت گردی کا بڑا منصوبہ ناکام بنا دیا۔
ترجمان کے مطابق سی ٹی ڈی پنجاب نے دہشت گردی کے کسی بھی ناخوشگوار واقعے سے موثر انداز میں نمٹنے کے لیے صوبے کے مختلف اضلاع میں انٹیلی جنس پر مبنی 364 کارروائیاں کیں، جن میں 366 مشتبہ افراد سے پوچھ گچھ کی گئی اور 24 دہشت گردوں کو اسلحہ، دھماکہ خیز مواد اور دیگر ممنوعہ مواد سمیت گرفتار کیا ، گرفتار دہشت گردوں شکیل احمد ۔محب اللہ ۔حیات ۔عجب خان ۔شعیب ۔عرفان ۔امجد ۔علی رضا ۔نعمان ۔رشید خان ۔شاکر وغیرہ شامل ہیں ، ان گرفتار دہشت گردوں کا تعلق فتنہ الخوارج اور دیگر دہشت گرد تنظیموں سے ہے گرفتار دہشت گردوں کا تعلق لاہور ۔ساہیوال ۔ٹوبہ ٹیک سنگھ ۔راولپنڈی ۔فیصل اباد ۔شیخوپورہ ۔ننکانہ صاحب ۔سرگودھا ۔مظفرگڑھ ۔سیالکوٹ ۔راجن پور ۔جہلم ۔منڈی بہاؤدین ۔اٹک سے ہیں، دھماکہ خیز مواد4915 گرام،
ڈیٹونیٹرز 24، سیفٹی فیوز وائر 58 فٹ، ای ائی ڈی بم 4. کالعدم تنظیم کے پمفلٹ ، میگزین.پرائمہ کارڈ .موبائل فون اور نقدی دہشت گردوں کے قبضے سے برآمد کر لی ہے
ترجمان نے کہا کہ دہشت گردوں نے مختلف شہروں میں اہم عمارتوں کو ٹارگٹ کرنے کا منصوبہ بنا رکھا تھا انہوں نے مزید کہا کہ گرفتار دہشت گردوں کے خلاف 24 مقدمات درج کر کے ان سے مزید تفتیش کی جا رہی ہے ، انہوں نے کہا کہ مقامی پولیس اور سیکیورٹی اداروں کے تعاون سے 5604 کومبنگ آپریشنز بھی کیے گئے، 229138 افراد کو چیک کیا گیا، 501 مشتبہ افراد کو گرفتار کیا گیا، 473 ایف آئی آر درج کی گئیں اور 357 بازیابیاں کی گئیں۔ کاؤنٹر ٹیررازم ڈیپارٹمنٹ پنجاب مستعدی سے محفوظ پنجاب کے اپنے ہدف پر عمل پیرا ہے اور دہشت گردوں اور ریاست دشمن عناصر کو سلاخوں کے پیچھے پہنچانے کی کوششوں میں کوئی کسر نہیں چھوڑی جائے گی، انہوں نے کہا کہ کسی بھی متعلقہ معلومات کی صورت میں ہیلپ لائن پر کال کریں۔ کاؤنٹر ٹیررازم ڈیپارٹمنٹ پنجاب 0800 11111 پر۔
