عدالت نے یوٹیوبر رجب بٹ کی دس دن کی راہداری ضمانت منظور کرلی۔
اسلام آباد ہائیکورٹ کے جسٹس انعام امین منہاس نے اس کیس کی سماعت کی، وکیل درخواست گزار نے بتایا کہ کراچی میں بھی مقدمہ ہے، 15 روز کی راہداری ضمانت دیدیں۔ جس پر جسٹس انعام امین منہاس نے ریمارکس دیئے دس دن کی راہداری ضمانت دے رہے ہیں، متعلقہ عدالت سے رجوع کر لیں۔ عدالت نے یوٹیوبر رجب بٹ کی حفاظتی ضمانت میں 10 روز کی توسیع کرتے ہوئے کہا دس روز میں کراچی کی متعلقہ عدالت میں پیش ہوں، عدالت نے 10 دن کیلئے رجب بٹ کی گرفتاری سے روک دیا۔
یاد رہے عدالت نے رجب بٹ کو بیرون ملک سے واپسی پر حفاظتی ضمانت دے رکھی تھی، دونوں ملزمان کے خلاف سائبر کرائم سمیت دیگر متعدد مقدمات درج ہیں۔
رجب بٹ اور ندیم نانی والا حفاظتی ضمانت ملنے کے بعد اسلام آباد ہائیکورٹ سے واپس روانہ ہو گئے ،اس موقع پر صحافی نے کہا کہ بڑی بات ہے آپکی گاڑی کو ہائیکورٹ کے اندر آنے کی اجازت دی گئی، جس پر رجب بٹ نے کہا کہ میری گاڑی نہیں ہے، اِن کی گاڑی ہے، میں نے لفٹ لی ہے، مجھے ڈی پورٹ نہیں کیا گیا، ڈی پورٹ ہو کر انسان بزنس کلاس میں واپس نہیں آتا، میرا ویزہ کینسل ہوا ہے، فیصلے کو چیلنج کر دیا ہے،
