آئی جی ایف سی بلوچستان نارتھ میجر جنرل عاطف مجتبٰی نے آج ژوب میں شہید لیفٹینینٹ عمران خان کے گھر جا کر اہلِ خانہ سے ملاقات کی اور ان کے ساتھ اظہارِ تعزیت کیا۔
آئی جی ایف سی بلوچستان نارتھ اور ان کے ہمراہ افسران نے شہید کے اہلِ خانہ اور قریبی رشتہ داروں سے دلی ہمدردی کا اظہار کرتے ہوئے شہید کے بلند درجات کے لیے فاتحہ خوانی اور خصوصی دعا کی۔آئی جی ایف سی بلوچستان (نارتھ) نے کہا کہ شہید کی قربانی ایک لازوال مثال ہے، جسے تاریخ ہمیشہ یاد رکھے گی۔ انہوں نے مزید کہا کہ وطنِ عزیز کی حفاظت کے لیے جان قربان کرنے والے شہداء اور ان کے اہلِ خانہ پوری قوم کا سرمایۂ افتخار ہیں، اور ایف سی بلوچستان (نارتھ) ہمیشہ ان کے ساتھ کھڑی رہے گی۔
شہید کے اہلِ خانہ نے آئی جی ایف سی بلوچستان (نارتھ) اور دیگر افسران کا شکریہ ادا کرتے ہوئے کہا کہ ان کی آمد نے انہیں حوصلہ اور سکون عطا کیا۔
