نائب وزیراعظم اسحاق ڈار نے ایران کے ساتھ ترجیحی شعبوں میں دوطرفہ روابط بڑھانے کیلئے پاکستان کے عزم کا اعادہ کیا ہے ۔
نائب وزیر اعظم ووزیر خارجہ سینیٹر اسحاق ڈار کی زیر صدارت پاک ایران تعلقات پر بین الوزارتی اجلاس بدھ کو یہاں منعقد ہوا۔ دفتر خارجہ کے مطابق اجلاس میں مختلف شعبوں میں موجودہ دوطرفہ تعاون کا جائزہ لیا گیا اور اقتصادی و تجارتی تعاون کو مضبوط بنانے کے طریقوں پر تبادلہ خیال کیا گیا۔
نائب وزیراعظم نے ایران کے ساتھ ترجیحی شعبوں میں دوطرفہ روابط بڑھانے کے لیے پاکستان کے عزم کا اعادہ کیا، اجلاس میں وزیر پیٹرولیم، وزیر اعظم کے معاون خصوصی طارق باجوہ، سیکریٹری پیٹرولیم، وزارت خارجہ اور دیگر متعلقہ وزارتوں کے اعلیٰ حکام نے بھی شرکت کی۔
