پی آئی اے کی نجکاری عمل کا آغاز ہو گیا. بولی دہندگان نے اپنی بڈنگ جمع کروا دی ہیں.
پی آئی اے کی نجکاری کا عمل شروع ، سیل شدہ بولیاں شفاف ڈبے میں ڈال دی گئیں،پہلے کنسورشیم میں لکی سیمنٹ لمیٹڈ، حب پاور ہولڈنگز لمیٹڈ، کوہاٹ سیمنٹ لمیٹڈ اور میٹرو وینچرز شامل ہیں، دوسرے کنسورشیم میں عارف حبیب کارپوریشن، فاطمہ فرٹیلائزر، سٹی اسکولز پرائیویٹ لمیٹڈ اور لیک سٹی ہولڈنگز شامل ہیں، جبکہ تیسرے کنسورشیم میں ایئر بلیو پرائیویٹ لمیٹڈ شامل ہے، بڈرز کی بولیاں سہ پہر ساڑھے تین بجے کھولی جائیں گی، پرائیویٹائزیشن کمیشن بورڈ کے اجلاس میں ریفرنس قیمت طے کی جائے گی،ریفرنس قیمت طے ہونے کے بعد کابینہ کمیٹی برائے نجکاری کے اجلاس میں ریفرنس پرائس کی مظوری دی جائے گی۔
مشیر نجکاری محمدعلی نے بڈنگ کا پہلا مرحلہ مکمل ہونے کے بعد صحافیوں سے گفتگو کرتے ہوئے کہا کہ قومی ائیر لائن کی فروخت کے لیے بڈنگ کا پہلا مرحلہ مکمل ہو چکا، اب ہم پی سی بورڈ کے پاس جائیں گے، پی سی بورڈ قومی ایئرلائن ریزرو پرائس کو دیکھے گا، ریزرو پرائس کا کسی کو بھی نہیں پتہ، ریزرو پرائس بورڈ سے منظوری کے بعد کابینہ کمیٹی کےپاس جائے گی،کا کابینہ کمیٹی ریزرو پرائس کے حوالے سے حتمی منظوری دے گی، بہت بڑا مرحلہ ہے، 20 سال سے کوئی بڑی نجکاری نہیں ہوئی۔
وزیراعظم شہباز شریف کا کہنا ہے کہ آج پی آئی اے کی نجکاری کا دن ہے نائب وزیراعظم ،وزیر دفاع اور وزیر خزانہ نے بہترین کاوشیں کی ہیں، بولی کے عمل کو شفاف بنانا ضروری ہے، کامیاب بولی سے معاملات بہتر ہوں گے، شفاف نیلامی کے لیے یکسوئی کے ساتھ کام ہو رہا ہے، پاکستان کی تاریخ میں پہلی نجکاری ہوگی،پی آئی اے کی بولی بند لفافوں میں آئے گی کوئی دوسرا دیکھ نہیں سکے گا۔ سب سے زیادہ بولی لگانے والے کو پی آئی اے مل جائے گی۔سارے چینلز کو ہدایت دی گئی ہے بولی کی لائیو نشریات چلائیں۔
