وفاقی وزیرِ توانائی اویس لغاری نے کہا ہے کہ فیلڈ مارشل کی رہنمائی پی آئی اے کی نجکاری میں اہم ثابت ہوئی۔
ایک بیان میں وفاقی وزیر توانائی اویس لغاری نے کہا کہ 135 ارب روپے کی کامیاب بولی سرمایہ کاروں کے اعتماد کا مظہر ہے، وزیرِ اعظم کی قیادت میں نجکاری کا تاریخی مرحلہ مکمل ہوا،مشیرِ نجکاری محمد علی کی کاوشیں، فیلڈ مارشل کی رہنمائی پی آئی اے کی نجکاری میں اہم ثابت ہوئی ہےیہ نجکاری عالمی برادری کے پاکستان پر بڑھتے اعتماد کا ثبوت ہے، عارف حبیب کنسورشیم کی کامیاب بولی معیشت کی بحالی کی علامت ہے،پی آئی اے کی نجکاری سے حکومتی اصلاحات اور شفاف پالیسیوں پر اعتماد کی عکاس ہے، یہ کامیابی پاکستان کے معاشی استحکام کی جانب مضبوط پیشرفت کی نشاندہی کرتی ہے۔
جنسی مجرم جیفری ایپسٹین فائلز سے متعلق مزید دستاویزات جاری
واضح رہے کہ آج ہونے والی بولی میں عارف حبیب کنسورشیم نے 135 ارب روپے میں پی آئی اے کے 75 فیصد شیئرز خریدنے میں کامیابی حاصل کرلی ہے،عارف حبیب کنسورشیم نے قومی ائیرلائن کی نجکاری کے تیسرے مرحلے میں 135 ارب روپے کی بولی لگا کر پی آئی اے کے 75 فیصد شیئرز حاصل کرنے میں کامیابی حاصل کی۔
پی آئی اے کی نجکاری حکومت کااچھا فیصلہ ہے،مفتاح اسماعیل
