دوحہ:طالبان سیاسی دفتر کے وفد کا دوحہ میں پاکستانی سفارتخانے کا دورہ،اطلاعات کے مطابق افغان طالبان سیاسی دفتر کے وفد نے شیر محمد عباس ستنکزئی کی قیات میں قطر کے دارالحکومت دوحہ میں پاکستانی سفارتخانے کا دورہ کیا
پاکستانی سفارتخانہ دوحہ کی جانب سے جاری کر دہ بیان کے مطابق سفارتخانے آمد پر پاکستان کے سفیر سید احسن رضا شاہ اورسفارتخانے کے دیگر جملہ افسران نے وفد کا استقبال کیا۔
اس موقع پر طالبان سیاسی دفتر کے وفد اور پاکستانی سفیر سید احسن رضا شاہ کے درمیان افغانستان کی موجودہ صورتحال اور دیگر اہم امور پرتفصیلی گفتگو کی گئی ۔ افغان وفد کے اعزاز میں پاکستان کے سفیر نے عشائیہ بھی دیا۔
