کیف: یوکرین میں چرنوبل نیوکلیئر پلانٹ کی چھت پر ایک ڈرون گر کر تباہ ہوا جس کے نتیجے میں آگ لگ گئی۔
باغی ٹی وی : انٹرنیشنل اٹامک انرجی ایجنسی (IAEA) کے مطابق یہ واقعہ 14 فروری کو پیش آیا یوکرین کے صدر ولادیمیر زیلنسکی نے حملے کی تصدیق کرتے ہوئے کہا کہ روسی ڈرون جو کہ ایک دھماکہ خیز وار ہیڈ لے کر جا رہا تھا، دنیا کو تابکاری سے بچانے والے پاور یونٹ کو نشانہ بنایا۔
رپورٹ کے مطابق یوکرین کے صدر ولادیمیر زیلنسکی نے جوہری مقامات کو ڈرون سے نشانہ بنانے کے اس حملے کو دہشت گردی کی کارروائی قرار دیتے ہوئے اس کی شدید مذمت کی ہے حملے کے بعد لگنے والی آگ کو فائر بریگیڈ کے عملے نے فوری کارروائی کرتے ہوئے قابو کیا فائر بریگیڈ کے عملے کے مطابق چرنوبل نیوکلیئر کو بری طرح نقصان پہنچا۔
خیبرپختونخوا کی سیاسی و مذہبی جماعتوں کا ملک میں امن کیلئے افغانستان سے فوری مذاکرات پر اتفاق
انٹرنیشنل اٹامک انرجی ایجنسی (IAEA) نے بتایا کہ ڈرون حملے سے اندرونی کنٹینمنٹ کو کوئی نقصان نہیں پہنچا، اور تابکاری کی سطح اب بھی محفوظ اور نارمل ہے۔ اس کے علاوہ واقعے میں کوئی زخمی نہیں ہوا۔
یوکرینی صدر کی جانب سے شئیر کردہ ایک ویڈیو میں ڈرون کو مارتے ہوئے دکھایا گیا ہے، جس سے بلڈنگ کو نقصان پہنچا، یہ پلانٹ 1986 میں ایک بڑے ایٹمی حادثے کا مقام تھا۔
ایرول مسک کا بارک اوباما کی اہلیہ سے متعلق حیران کن انکشاف
چرنوبل نیوکلیئر پاور پلانٹ شمالی یوکرین میں موجود ایک جوہری پلانٹ ہے یہ شہریوں سے خالی ایک مقام پرپیات کے قریب ہے اور دارالحکومت کیف سے تقریباً 100 کلومیٹر شمال میں واقع ہے 1986 میں چرنوبل نیوکلیئر پاور پلانٹ کے ری ایکٹر میں ہونے والے دھما کے کو تاریخ کےبدترین ایٹمی حادثے کےطور پر جانا جاتا ہے، 2016 میں تباہ شدہ پلانٹ کے اوپر 2.5 ارب ڈالر کی لاگت سے ایک حفاظتی خول تعمیر کیا گیا تھا جس کا مقصد پلانٹ کے نکلنے والی تابکاری کو روکنا تھا۔
ٹرمپ کی روئٹرز، پولیٹیکو، نیویارک ٹائمز سمیت دیگر اداروں کو لاکھوں ڈالر واپس کرنے کا مطالبہ
