ٹھٹھہ :کوئلے کی کان میں جان بحق مزدور کے ورثاء کو این ڈی ایم اے سے منظور شدہ 10 لاکھ روپے کا امدادی چیک

باغی ٹی وی ،ٹھٹھہ (نامہ نگار راجہ قریشی)جہمپیر کے قریب کوئلے کی کان میں جان بحق مزدور کے ورثاء کو ضلعی انتظامیہ ٹھٹھہ کی جانب سے این ڈی ایم اے سے منظور شدہ 10 لاکھ روپے کا امدادی چیک تقسیم – ڈپٹی کمشنر ٹھٹھہ غضنفر علی قادری نے اپنے دفتر میں جھمپیر میٹنگ ریلوے اسٹیشن کے قریب کوئلے کی کان میں پیش آنے والے سانحہ میں جان بحق ہونے والے چمن گل خان کے ورثاء کو ضلعی انتظامیہ کی کاوشوں اور شفارش پر این ڈی ایم اے کی جانب سے جاری کردہ 10 لاکھ روپے کا امدادی چیک فراہم کیا گیا . حالیہ شدید بارشوں کے دوران جھمپیر میٹنگ ریلوے اسٹیشن کے قریب پیش آنے والے افسوسناک سانحہ میں جاں بحق ہونے والے 09 مزدوروں میں سے 8 کے ورثاء کو ضلعی انتظامیہ ٹھٹھہ کی جانب سے ارسال کردہ سفارش کے تحت این ڈی ایم اے کی جانب سے 10-10 لاکھ روپے کے چیک فراہم کئے گئے تھے جبکہ باقی ایک رہ جانے والے مزدور چمن گل خان کے ورثاء کو آج 10 لاکھ روپے کا امدادی چیک ہاتھوں ہاتھ فراہم کیا گیا. اس موقع پر ڈپٹی کمشنر نے کہا کہ ضلعی انتظامیہ بلا تفریق ہر مشکل گھڑی میں ضلع کے عوام کی ہر ممکن مدد کرنے کیلئے ہر وقت کوشاں ہے اور انہیں کسی صورت تنہا ہر گز نہیں چھوڑا جائے گا.