آئی جی سندھ غلام نبی میمن نے کہا ہے کہ ملیرجیل سے 213 قیدی فرار ہوئے جن میں سے 78 کو گرفتار کرلیاگیا ہے۔
کراچی میں میڈیا سے گفتگو کرتے ہوئے آئی جی سندھ نے کہا کہ ملیر جیل میں ٹوٹل 6 ہزار قیدی ہیں، گزشتہ روز زلزلے کے جھٹکوں کے بعد2 سرکل کے قیدیوں کو باہر نکالا گیا جس کے بعد قیدیوں نے جیل کے مرکزی دروازے کی طرف بھاگنا شروع کردیا جبکہ دونوں سرکل میں منشیات کے مقدمات کے قیدی موجود تھے۔
غلام نبی میمن نے کہا کہ مرکزی دروازے کے اندر جیل پولیس اور باہر ایف سی اہلکار تعینات ہوتے ہیں، قیدیوں کے ہجوم کو دیکھ کر جیل پولیس اور ایف سی اہلکاروں نے ہوائی فائرنگ کی،ملیر جیل سے 213 قیدی فرار ہوئے جن میں سے 78 کو گرفتار کرلیاگیا ہے جبکہ دیگر فرار قیدیوں کی گرفتاری کے لئے حکمت عملی بنادی گئی ہے، جیل کے اندراور اطراف میں بھی سکیورٹی کے انتظامات کو بڑھایا گیا ہے، پولیس کی اضافی نفری جیل کے اطراف کی آبادیوں میں سرچ آپریشن کررہی ہے۔
ٹک ٹاکر ثنا یوسف کا قاتل گرفتار
ملیر جیل سے 216 قیدی فرار ہوئے، وزیراعلیٰ سندھ
کراچی میں زلزلے کے جھٹکوں کا سلسلہ جاری
