آپ اور آپکی ٹیم کا کیا نقصان ہوگا، نقصان تو ریاست کا ہورہا ہے،چیف جسٹس کس پر ہوئے برہم؟
باغی ٹی وی کی رپورٹ کے مطابق سپریم کورٹ میں سوئی نادرن گیس ملازمین کی بحالی کیخلاف کیس کی سماعت ہوئی
سپریم کورٹ نے سیکریٹری توانائی کو فوری طلب کرلیا ،چیف جسٹس گلزار احمد ایم ڈی سوئی نادرن گیس اور وکلا ٹیم پر برہم ہو گئے،چیف جسٹس گلزار احمد نے وکیل سے مکالمہ کرتے ہوئے کہا کہ آپ کا لائسنس منسوخ کرتے ہیں،آپ کورٹ روم نمبر ایک چھوڑ دیں، چیف جسٹس نے ریمارکس دیتے ہوئے کہا کہ 2018کاکیس فائل ہوا ہے اور آپ کیس داخل کر کے چلے گئے،کیس میں تین وکیل ہیں سب نے پیسے کھائے اور پیش تک نہیں ہوئے،عدالت حکم نہ دیتی تو آپ لوگوں نے اب تک 500 لوگ بھرتی کر لیے ہوتے،آپ سب ایک دوسرے سے ملے ہوئے ہیں
چیف جسٹس نے ایم ڈی سوئی نادرن گیس سے مکالمہ کرتے ہوئے کہا کہ آپ کے وکیل اور لیگل ٹیم سب بیکار ہیں،ایم ڈی سوئی نادرن گیس علی ہمدانی نے کہا کہ عدالت مجھے کچھ کہنے کی اجازت دے،چیف جسٹس نے کہا کہ آپ نے 5 منٹ پہلے بھی جوائن کیا ہے تو آپ کی ذمہ داری بنتی ہے،آپ اور آپکی ٹیم کا کیا نقصان ہوگا، نقصان تو ریاست کا ہورہا ہے،سپریم کورٹ نے ایس این جی پی ایل کے لیگل معاملات کا آڈٹ کرانے کا حکم دے دیا سیکریٹری پیٹرولیم میاں اسد سے دو ماہ میں رپورٹ طلب کر لی گئی، چیف جسٹس نے ریمارکس دیتے ہوئے کہا کہ ایس این جی پی ایل اپنے قانونی معاملات کو کیوں نظرانداز کر رہا ہے؟ایس این جی پی ایل کیوجہ سے قومی خزانے کا نقصان ہو رہا ہے، کئی سال سے ایس این جی پی ایل کے مقدمات زیر التوا پڑے ہیں،سیکریٹری پیٹرولیم نے کہا کہ عدالت کچھ وقت دے کمیٹی تشکیل دیکر معاملات کی تحقیقات کروائیں گے، عدالت کو یقین دہانی کراتا ہوں کہ ملوث افراد کیخلاف کارروائی ہوگی،
