آئی ایس آئی کے سابق چیف جنرل ر حمید گل کے صاحبزادے عبداللہ حمید گل نے رواں برس 31 مارچ کو آرمی چیف جنرل قمر جاوید باجوہ کی مدت ملازمت میں توسیع کا مطالبہ کیا تھا جو پورا ہو گیا
باغی ٹی وی کی رپورٹ کے مطابق عبداللہ حمید گل نے سماجی رابطے کی ویب سائٹ ٹویٹر پر 31 مارچ کو ٹویٹ کیا تھا جس میں انہوں نے کہا تھا کہ حکومت کے زیر غور
۱-افواج کے تمام سربراہان کی مدت ملازمت 3 سے 4 سال کر دی جائے
۲-جوائنٹ چیف اور فوج کی سربراہی ایک ہی شخص کے پاس ہو
۳۔موجودہ سربراہ جنرل راحیل کے بعد اسلامی اتحاد کے سربراہ بنا دیے جائیں
۴۔ افواج کے سربراہ کو مدت ملازمت میں توسیع دی جائے
آج وزیراعظم عمران خان نے آرمی چیف جنرل قمر جاوید باجوہ کی مدت ملازمت میں تین سال کی توسیع کر دی ہے. اس حوالہ سے وزیراعظم آفس سے بیان جاری کیا گیا ہے، جس میں کہا گیا کہ وزیراعظم نے فیصلہ ملک ، خطے میں جاری امن کی کوششوں کے تسلسل میں کیا.
