گوجرہ: عمرہ زائرین کی خدمت کے لیے عبداللہ ٹریول اینڈ ٹورز کا افتتاح

گوجرہ (باغی ٹی وی، نامہ نگار عبد الرحمن جٹ) عمرہ زائرین کی خدمت کے لیے عبداللہ ٹریول اینڈ ٹورز کا افتتاح

چوہدری غلام رسول گجر نے عمرہ زائرین کی خدمت کے لیے "عبداللہ ٹریول اینڈ ٹورز” کے دفتر کا افتتاح تحصیل آفس روڈ پر کیا۔ تقریب کا آغاز تلاوتِ قرآن مجید اور نعت شریف سے ہوا۔

افتتاحی تقریب میں پاکستان مسلم لیگ گوجرہ کے امیر چوہدری تاج محمد گجر نے دفتر کا باقاعدہ افتتاح کیا۔ اس موقع پر انہوں نے کہا کہ اللہ تعالیٰ ہی رزق دینے والا ہے، اور حلال روزی کمانا عین عبادت ہے انہوں نے غلام رسول گجر کے لیے دعا کی کہ اللہ تعالیٰ ان کے رزق میں برکت عطا کرے اور انہیں عوام کی خدمت کا موقع دے۔

تقریب میں شہر کے معززین، سیاسی و مذہبی رہنماؤں اور پراپرٹی ڈیلرز سمیت بڑی تعداد میں افراد نے شرکت کی۔ اختتام پر مہمانوں کی پرتکلف کھانے سے تواضع کی گئی۔