![](https://baaghitv.com/wp-content/uploads/2022/12/FjiYoT9WIAUUXV9.jpg)
ملتان:ابرار احمد پہلے انٹرنیشنل ٹیسٹ کرکٹ میں 7 وکٹیں لینے والے پہلے کھلاڑی:مبارکباد اوردعاوں کا سلسلہ شروع،تفصیلات کے مطابق ملتان میں پاکستان اور انگلینڈ کے درمیان ہونے والے ٹیسٹ میچ میں پاکستان کے نوجوان کرکٹر ابرار احمد نے 7 وکٹیں لے کرجہاں ایک عالمی ریکارڈ قائم کیا ہے وہاں پاکستانیوں کا سر بھی فخر سے بلند ہوگیا ہے ،
ابرار احمد کی شاندار کرکردگی پرپاکستانی قوم کی طرف سے خراج تحسین پیش کرنے کا ایک سلسلہ شروع ہوگیا ہے ، یہ خراج تحسین کرکٹرز کی طرف سےبھی ہے اور سیاستدانوں کےساتھ ساتھ دیگرہم وطنوں کی طرف سے بھی ہے ،
ابرار احمد کی اس شاندار کارکردگی کوسراہتے ہوئے معروف صحافی حامد میر نے کچھ اس انداز سے خوشی کااظہار کیا ہے ، وہ کہتے ہیں کہ "ابرار احمد پاکستان کا ہیرو ہے
نوجوان لیگ سپنر ابرار احمد نے اپنے پہلے ٹیسٹ میچ میں انگلینڈ کے تجربہ کار بلے بازوں کو جس خوبصورتی سے اپنی گوگلی باؤلنگ سے نشانہ بنایا اس پر صرف ابرار کو نہیں سب پاکستانی کرکٹ فینز کو شکر ادا کرنا چاہئیے طویل عرصے کے بعد ایک ایسا سپنر نظر آیا ہے جو گریٹ عبدالقادر کی یاد دلاتا ہے pic.twitter.com/BJd7gl8BKB
— Hamid Mir (@HamidMirPAK) December 9, 2022
حنا بٹ کہتی ہیں کہ "انگلینڈ کو ابرار احمد کا نام برسوں تک یاد رہے گا”
انگلینڈ کو ابرار احمد کا نام برسوں تک یاد رہے گا۔۔واہ کیا کمال کا ٹیلنٹ ہے، اتنے زبردست کیرئیر کے آغاز پر آپ مبارکباد پیش کرتی ہوں۔۔ #AbrarAhmed pic.twitter.com/NlULBrssRf
— Hina Parvez Butt (@hinaparvezbutt) December 9, 2022
ادھرملتان ٹیسٹ میں شاندار پرفارمنس پر ابرار احمد کے گھر والے بھی خوشی سے نہال
چوہدر پرویز الٰہی اور مونس الٰہی نے بھی ابرار احمد کی شاندار کاکردگی پر خوشی کااظہارکرتے ہوئے کہا کہ ابرار نے قوم کو خوش کردیا ہے
وزیراعلیٰ پنجاب چودھری پرویز الٰہی کی پہلے ٹیسٹ میچ میں انگلینڈ کے خلاف 7 وکٹیں حاصل کرنے پر ابرار احمد کو مبارکباد
ویلڈن ……ابرار……ویلڈن۔۔ قوم کو آپ پر ناز ہے۔چودھری پرویزا لٰہی اور مونس الٰہی کا ابرار احمد کے مستقبل کے لئے نیک خواہشات کا اظہار
— Pervez Elahi Updates (@CMPunjabPK) December 9, 2022
ادھر یہ بھی معلوم ہوا ہے کہ ابرار احمد کے گھر والے بھی بہت خوش ہیں ،
ابرار احمد کے والد نور اسلام نے کہا کہ بیٹے نے اپنی ٹیم میں سلیکشن درست ثابت کردی۔ اسپنر ابرار احمد کے والد نے کہا کہ کراچی کے جہانگیر روڈ پر اسپنر ابرار احمدکی رہائش گاہ پر جشن سماں ہے، چاہنے والوں سمیت رشتے داروں نے لوگوں میں میٹھائیاں تقسیم کی۔
ابرار احمد کے والد نور اسلام کا کہنا تھا کہ اسپنر ابرار احمد نےملتان ٹیسٹ یادگار بنادیا، بہت خوش ہوں کہ ابرار نےنام روشن کردیا۔انہوں نے کہا کہ میں پہلے تو یہی کہتا تھا کہ ابرار تمھیں موقع کیوں نہیں ملتا لیکن اب ابرار نے اپنی ٹیم میں سلیکشن درست ثابت کردی۔بھائی شہزاداختر کا کہنا تھا کہ ملتان ٹیسٹ میں ابرار کی شاندار پرفارمنس پر ہم سب کو فخر ہے۔
سابق کپتان اور معروف کرکٹر سلمان بٹ نے بھی خراج تحسین پیش کرتے ہوئے کہا یے کہ ابرار نے تو کمال کردیا ہے ،بڑے عرصے بعد ایسا منطر دیکھنے کو ملا ہے
ابرار احمد ٹیسٹ ڈیبیو کرتے ہوئے پہلے سیشن میں پانچ وکٹیں لینے والے پہلے پاکستانی بولر بن گئے ہیں جبکہ پاکستان کی جانب سے ڈیبیو ٹیسٹ میں سات وکٹیں لینے والے تیسرے بولر ہیں۔ ابرار احمد نے کیرئیر کے پہلے ٹیسٹ میچ میں 114 رنز دے کر 7 وکٹیں حاصل کیں۔ ابرار احمد کے علاوہ ماضی میں محمد زاہد نے 66 رنز دے کر 7 وکٹیں جبکہ محمد نظیر نے 99 رنز دے کر 7 وکٹیں حاصل کر رکھی ہیں۔
انگلینڈ کے بلے باز پاکستانی بولرز کے خلاف ایک بار ہھر جارحانہ کھیل کا مظاہرہ کر رہے تھے لیکن ابرار احمد کی انگلیوں کے جادو پر انگلش بلے مشکلات کا شکار رہے۔
ابرار احمد کو ’مسٹری‘ سپنر کہا جاتا ہے یعنی بلے باز ہمیشہ سے سرپرائز میں رہتے ہیں کہ وہ کس قسم کی گیند کروائیں گے۔ انہوں نے نہ صرف انگلش بلے بازوں بلکہ متعدد کرکٹ شائقین کو بھی سرپرائز دیا۔ابرار احمد ایک روایتی لیگ سپنر سے ہٹ کر مخلتف ورائٹی رکھتے ہیں، لیگ بریک اور گوگلی کے علاوہ انہیں کیرم بال کروانے کی بھی مہارت حاصل ہے۔
ابرار احمد کون ہیں؟
24 سالہ ابرار احمد کا تعلق خیبر پختونخوا کے ضلع مانسہرہ کے چھوٹے سے قصبے شنکیاری سے ہے تاہم ان کے والدین نے کراچی میں رہائش اختیار کر لی ہے۔
ابرار احمد کی پیدائش بھی کراچی میں ہی ہوئی جہاں ان کے والد ٹرانسپورٹ کے کاروبار سے منسلک ہیں۔