خیبر پختونخوا میں امن وامان کی صورتحال تشویشناک ہے، ایبسلوٹلی نو لا اینڈ آرڈر ان خیبر پختونخوا،خواجہ آصف

اسلام آباد: وزیر دفاع خواجہ آصف نے کہا ہے کہ خیبر پختونخوا میں امن وامان کی صورتحال تشویشناک ہے اور خراب ہو رہی ہے۔

قومی اسمبلی میں خطاب کرتے ہوئے پاکستان مسلم لیگ (ن) کے مرکزی رہنما خواجہ آصف نے کہا کہ کے پی کو سابق وزیراعظم نے ایک سپرنگ بورڈ بنایا ہوا ہے اس صوبے کی تمام تر سہولت ان کی سیکیورٹی ان کے ہیلی کاپٹرز وغیرہ عمران خان کے ذاتی استعمال میں ہیں ووٹ آفن نو کانفیڈنس کے بعد سے اس نے کے پی میں جا کر پناہ لی ہوئی ہے یہ کے پی کے عوام کی توہین ہے وہ وہاں ہر قسم کے وسائل اپنے ذاتی استعمال کیلئے استعمال کر رہا ہے-

خانقاہ ڈوگراں : پارٹی تفریق کو بالائے طاق رکھ کر عوام کی خدمت کا بیڑا اٹھایا ہے…

خواجہ آصف نے کہا کہ امن وامان کی صورتحال کو بہتر کرنا صوبائی حکومت کی ذمہ داری ہے لیکن خیبر پختونخوا حکومت کی تمام تر توجہ عمران خان کو کسی بھی صورت اقتدار میں لانے پر ہے۔

انہوں نے کڑی نکتہ چینی کرتے ہوئے کہا کہ کچھ لوگ اقتدار کیلئے کسی بھی حد تک جانے کیلئے تیار ہیں، ایک شخص اپنی سیاست کیلئے مذہب کا استعمال کر رہا ہے، خیبر پختونخوا میں اساتذہ پرلاٹھی چارج کیا گیا جس پر افسوس ہوا، ایبسلوٹلی نو لا اینڈ آرڈر ان خیبر پختونخوا۔

وزیردفاع خواجہ آصف نے قومی اسمبلی میں خطاب کرتے ہوئے کہا کہ کبھی حقیقی آزادی کی بات کرتا کبھی بیرونی سازش کی بات کرتا ہے آڈیو لیکس نے حقیقی آزادی اور بیرونی سازش کے بیانیے کا پول کھول کر رکھ دیا ہے اس کی آڈیو لیکس توابتدا ہے اس کا اصلی بھیانک چہرہ سامنے آنے والا ہے انہوں نے کہا کہ ہماری فوج نے بے شمار قربانیاں دے کر امن بحال کیا۔

عمران خان پنڈی والوں سے مایوس ہو گئے