Ayesha Rehmani
لاہور: پاکستان کرکٹ ٹیم کے سابق کرکٹر سلمان بٹ کو افغان کرکٹ بورڈ (اے سی بی) کی جانب سے آنے والی سیریز میں کوچنگ کرنے کیلئے پیشکش کی گئی ہے۔
باغی ٹی وی : ذرائع کے مطابق افغان کرکٹ بورڈ نے سلمان بٹ سے رابطہ کرتے ہوئے اپنے بورڈ کے ساتھ کام کرنے کی پیشکش کی ہے، کرکٹ بورڈ نے بھارت میں سیریز سے قبل ہائی پرفارمنس کیمپ کے لیے سلمان بٹ کو جاب آفر کی ہے،افغانستان کو آئندہ ماہ بھارت سے انہی کے میدان پر سیریز کھیلنی ہے جس کا آغاز 20 جنوری سے ہوگا،افغان بورڈ پاکستانی کھلاڑی کو بیٹنگ کنسلٹنٹ بنانے کا خواہش مند ہے۔
واضح رہے کہ حال ہی میں سلمان بٹ کو پی سی بی کی جانب سے قومی ٹیم کی سلیکشن کمیٹی کا حصہ بنایا گیا تھا تقرری کے ایک دن بعد ہی انہیں عہدے سے ہٹا دیا گیا تھا،محمد حفیظ نے سلمان بٹ کو سلیکشن کنسلٹنٹ کے عہدے سے ہٹانے میں اہم کردار ادا کیا پی سی بی نے سابق کرکٹرز کامران اکمل، راؤ افتخار انجم اور سلمان بٹ کی بطور کنسلٹنٹ ممبران تقرری کی تصدیق کی تھی۔ تاہم،سلما ن بٹ کی شمولیت کو کرکٹ برادری میں شدید تنقید کا سامنا کرنا پڑا، جس کے نتیجے میں فیصلے کو تیزی سے تبدیل کر دیا گیا۔
سلمان بٹ کو سلیکشن کنسلٹنٹ کے عہدے سے ہٹانے میں حفیظ کا اہم کردار
آسٹریلیا میں سلمان بٹ کی تقرری کے بارے میں جاننے کے بعد، ٹیم کے ڈائریکٹر حفیظ نے مبینہ طور پر پی سی بی کے اعلی حکام سے انتخاب پر نظر ثانی کرنے پر زور دیا اس خبر سے حیران ہو کر حفیظ نے فوری طور پر لاہور میں پی سی بی ہیڈ کوارٹر سے فون کیا اور کہا کہ سلمان بٹ کی تقرری غلطی تھی انہوں نے داغدار ماضی والے افراد کے ساتھ کام کرنے کی اپنی دیرینہ مخالفت پر زور دیا اور سوال کیا کہ وہ اس نوعیت کے کسی کے ساتھ کیسے تعاون کر سکتے ہیں۔
