بھارت میں پاکستائی ہائی کمیشن کے افسران کی گاڑی کو حادثہ۔ دو افراد زخمی

0
31

نئی دہلی میں پاکستانی ہائی کمیشن کے ایک سینئر آفیشل کی گاڑی بھارتی پنجاب کے شہر امبالہ کے قریب حادثہ کا شکار ہوگئی۔ سینئر

آفیشل عبدالواحد اپنی اہلیہ، تین بچوں اور ہائی کمیشن کے ایک اہلکار منظور کے ہمراہ پرایویٹ گاڑی میں نئی دہلی سے براستہ واہگہ پاکستان آرہے تھے کہ امبالہ کے قریب سنگرور کے مقام پر ان کی گاڑی کے آگے جانے والے ٹرک نے اچانک بریک لگا دی جس کی وجہ سے ان کی گاڑی پیچھے سے ٹرک کو ٹکرا گئی۔ حادثہ میں منظور کی ٹانگ ٹوٹ گئی جب کہ عبدالواحد اور ان کی فیملی کو بھی چوٹیں آئیں۔ انہیں سنگرور ہسپتال میں ابتدائی طبی امداددی گئی اوردہلی منتقل کرنے کے لئے ایمبولنس منگوائی گئی تاہم عبدالمجید اپنی فیملی کے ہمراہ لاہور کی طرف روانہ ہو گئے۔ وہ پاکستان میں اپنا علاج کروائیں گے۔ پولیس نے مقدمہ درج کر کے ٹرک ڈرائیور کو گرفتار کر لیا تاہم عبدالواحد نے اسے اتفاقیہ حادثہ قرار دیتے ہوئے ڈرائیور کو معاف کردیا جس پر اسے رہا کر دیا گیا۔

Leave a reply