انڈین پریمیئر لیگ (آئی پی ایل) کا ایک اہم میچ اس وقت منسوخ کر دیا گیا جب دورانِ کھیل اچانک اسٹیڈیم کی لائٹس بند ہو گئیں اور مکمل بلیک آؤٹ کی صورتحال پیدا ہو گئی۔
باغی ٹی وی کے ذرائع کے مطابق ہماچل پردیش کے شہر دھرم شالہ میں ہونے والے میچ کے دوران اسٹیڈیم میں بجلی کی فراہمی اچانک معطل ہو گئی، جس کے باعث گراؤنڈ مکمل تاریکی میں ڈوب گیا۔ منتظمین کی جانب سے تکنیکی خرابی کو فوری طور پر دور کرنے کی کوشش کی گئی، تاہم کئی گھنٹے گزرنے کے باوجود روشنی بحال نہ ہو سکی۔
صورتحال کے پیشِ نظر امپائرز اور میچ ریفری نے باہمی مشاورت سے میچ کو منسوخ کرنے کا اعلان کر دیا۔ بلیک آؤٹ کے باعث تماشائیوں کو بھی شدید پریشانی کا سامنا کرنا پڑا اور اسٹیڈیم سے انخلاء کا عمل شروع کر دیا گیا۔دھرم شالا میں 11 مئی کو شیڈول پنجاب کنگز اور ممبئی انڈینز کا میچ احمدآباد منتقل کر دیا گیا ہے۔دوسری جانب آئی پی ایل میں شامل غیر ملکی پلیئرز اپنی سیکورٹی کے حوالے سے سخت پریشانی کا شکار ہیں۔
خیال رہے کہ ممبئی انڈینز کی ٹیم نے ممبی سے روانہ ہونا تھا مگر ایئرپورٹس کی بندش کے باعث ایسا ممکن نہ ہوسکا، دھرم شالہ اور اطراف کے ایئرپورٹس کی بندش کے باعث ممبئی انڈینز کی ٹیم کا ممبئی سے دھرم شالہ پہنچنا ناممکن تھا۔
پاکستان میں موجود امریکی شہریوں کے لیے نئی ہدایت جاری
بھارت میںفیک نیوز فیکٹری متحرک،لاہور پر حملے کی خبر بے بنیاد
پاکستانی ایف-16 گرانے کا دعویٰ سفید جھوٹ اور فیک نیوز ہے، سیکیورٹی ذرائع
