ایف آئی اے کے کارپوریٹ کرائم سرکل نے لاہور کے علاقے ڈیفنس فیز 6 میں اداکارہ نادیہ حسین کے گھر پر چھاپا مارا اور ان کے شوہر عاطف خان کو گرفتار کر لیا۔
ایف آئی اے کے ذرائع کے مطابق عاطف خان 54 کروڑ روپے سے زائد کے فراڈ میں ملوث ہیں اور ان پر کارپوریٹ مالیاتی دھوکہ دہی کا الزام عائد کیا گیا ہے۔ یہ کارروائی ایک نجی بینک سیکیورٹیز کے گروپ ہیڈ کی شکایت پر کی گئی۔ عاطف خان سابقہ سی ای او تھے اور انھوں نے بینک کے فنڈز کا غلط استعمال کیا تھا تاکہ اپنے ذاتی کاروبار کے لیے مالی مدد حاصل کر سکیں۔
ذرائع کا کہنا ہے کہ عاطف خان نے مالی بدانتظامی کو چھپانے کے لیے کمپنی کے ریکارڈ میں جعل سازی کی۔ ملزم نے فنانشل اسٹیٹمنٹس اور دیگر جعلی دستاویزات تیار کر کے بڑے پیمانے پر فراڈ کیا۔ ان کے خلاف اس فراڈ کی تحقیقات جاری ہیں اور ایف آئی اے نے مزید تفتیش کے لیے ان کا 2 روزہ ریمانڈ حاصل کر لیا ہے۔
جبری شادیوں اور غیرت کے نام پر قتل کے خلاف موثر قانون سازی کی جائے.عفت سعید
فیشن ڈیزائنر محمود بھٹی کی بیوی شوہر کیخلاف فیملی کورٹ پہنچ گئی
