تربت سے گرفتار خاتون خودکش بمبار عدیلہ بلوچ میڈیا کے سامنے رو پڑی

تربت سے گرفتار خودکش بمبار خاتون عدیلہ بلوچ نے والدین کے ہمراہ میڈیا سے گفتگو کرتے ہوئے کہا ہے کہ مجھے اپنی غلطی کا احسان ہے، میری وجہ سے میرے والدین کا سر شرم سے جھک گیا ہے

عدیلہ بلوچ کا کہنا تھا کہ مجھے اس طرح بہکایا گیا کہ مجھے کچھ سمجھ نہیں آرہا تھا،ملک دشمن عناصر نے مجھے بہکایا
بہکاوے میں اگر خود کش بمبار بننے کے لیے تیار ہو گئی، ملک دشمن عناصر نوجوانوں‌کو اپنے مذموم مقاصدکے لئے استعمال کرتے ہیں،لوگوں کو بلیک میل کر کے اور ورغلا کر لے جایا جاتا ہے.میں پڑھی لکھی نرس ہوں اور مجھے ورغلا کر پہاروں میں لے گئے اور وہاں جا کر مجھے علم ہوا کہ میں نے غلطی کر دی وہاں بہت سختی ھے اور وہاں نوجوانوں کو ورغلا کر لے جاتے ہیں ،میں کوالیفائیڈ نرس اور ڈبلیو ایچ او کا پراجیکٹ چلا رہی ہوں، میں بہت بڑا گناہ کرنے جا رہی تھی، بدقسمتی سے ایسے عناصر کے ساتھ رہی جنہوں نے مجھے بھٹکایا، مجھے ایسے بہکایا گیا کہ میں خودکش حملہ کرنے کیلئے تیار ہو گئی.بلوچ نوجوانوں کو میرا پیغام ہے جو غلطی میں نے وہ آپ مت کریں

دہشتگرد بلیک میل کرکے بلوچ خواتین کو ورغلاتے ہیں جس کی میں چشم دید گواہ ہوں، عدیلہ بلوچ
عدیلہ بلوچ کا مزید کہنا تھا کہ مجھے دہشتگردوں نے ایک نئی اور خوش گوار زندگی کے خواب دکھائے۔دہشتگرد بلیک میل کر کے بلوچ خواتین سے خودکش حملے کرواتے ہیں۔ میں اپنے گھر والوں کو بتائے بغیر دہشتگردوں کے پاس پہاڑوں پر چلی گئی۔ شرمندہ ہوں،میں نے ایسے نوجوان دیکھے جن کو ورغلایا گیا ہے، حکومت بلوچستان کی وجہ سے میں زندہ ہوں،میرے علاوہ وہاں اور بھی بہکائے ہوئے بلوچ نوجوان موجود تھے، دہشتگردوں کی جانب سے یہ تاثر دینا کہ بلوچ خواتین اپنی مرضی سے خود کش حملہ کرتی ہیں سراسر جھوٹ ہے، دہشتگرد بلیک میل کرکے بلوچ خواتین کو ورغلاتے ہیں جس کی میں چشم دید گواہ ہوں، مجھے اپنے غلط راستے پر چلنے کا احساس تک نہیں ہوا،میرا بلوچ نوجوان کیلئے پیغام ہے کہ جو غلطی میں نے کی ہے آپ نہ کریں،

عدیلہ بلوچ کے والد کا کہنا تھا کہ دہشتگرد نوجوانوں کو اپنے ساتھ لے جاتے ہیں اور پھر لاپتہ قرار دے دیتے ہیں، بلوچستان حکومت نے بروقت کاروائی کرکے میری بیٹی کو بازیاب کروایا،

دوسری جانب سینئر مرکزی رہنما مسلم لیگ ن چوہدری نعیم کریم کا کہناہے ، بلوچستان میں قانون نافذ کرنے والے اداروں نے تربت سے خاتون خود کش بمبار عدیلہ بلوچ کو گرفتار کرلیا ، سکیورٹی فورسز کی کامیابی پر خراج تحسین پیش کرتے ہیں، سکیورٹی فورسز نے بلوچستان کو ایک بار پھر بڑے سانحے سے بچا لیا، گرفتار خودکش حملہ آور خاتون عدیلہ بلوچ نے واضح کہا ہے، بلوچوں کو بلیک میل کیا جا رہا ہے،یہ تاثر غلط ہے کہ بلوچ اپنی مرضی سے کارروائیاں کرتے ہیں ،دہشتگرد بلیک میل کرکے بلوچ خواتین کو ورغلاتے ہیں