عدلیہ میں مداخلت روکنے کے لیے پانچ نکاتی ایس او پیز جاری

لاہور ہائی کورٹ کے جج جسٹس شاہد کریم نے عدلیہ میں مداخلت روکنے کے لیے پانچ نکاتی ایس او پیز جاری کئے ہیں

اے ٹی سی کے جج کو ہراساں کرنے کے معاملہ پر جسٹس شاہد کریم نے 4 صفحات کا تحریری عبوری حکم جاری کیا ہے حکمنامے میں کہا گیا ہے کہ اے ٹی سی کے ججز اپنے موبائل میں ہر کال کو ریکارڈ کریں۔پنجاب کی انسداد دہشت گردی کی خصوصی عدالتیں 9 مئی کے تمام کیسز کا ترجیحی بنیادوں پر فیصلہ کریں۔وزیراعظم آفس آئی بی اور آئی ایس آئی سمیت تمام سول اور ملٹری ایجنسیوں کو ہدایت جاری کریں کہ وہ مستقبل میں اعلی عدلیہ اور ماتحت عدلیہ کے کسی بھی جج یا ان کے عملے کو اپروچ نہ کریں۔ آئی جی پنجاب بھی ماتحت افسروں کو عدلیہ میں مداخلت سے روکنے کی ہدایات جاری کریں،اے ٹی سی عدالتوں کی سیکیورٹی کے حوالے سے اگر کوئی حفاظتی اقدامات کرنے ہیں تو متعلقہ جج سے مشاورت اور اتفاق رائے کے بغیر نہیں کیے جائیں گے۔

جسٹس شاہد کریم نے 4 صفحات پر مشتمل تحریری عبوری حکم نامہ میں کہا کہ اے ٹی سی جج سرگودھا کے معاملہ پر عدالتی عملہ تفتیش میں مکمل تعاون کرے۔عدالتی عملہ سے تفتیش کی وڈیو ریکارڈ کرکے ہائیکورٹ کو فراہم کرے۔ عدالت نےعمل درآمد رپورٹ 8 جولائی تک جمع کروانے کا حکم دے دیا،

سرگودھا جج کے ساتھ ناخوشگوار واقعہ،کیس کی سماعت ملتوی

احمد فرہاد کی بازیابی کیس، گزشتہ سماعت کا تحریری حکمنامہ جاری

وفاقی حکومت نے شاعر اور صحافی احمد فرہاد کی گرفتاری ظاہر کر دی

اسلام آباد ہائیکورٹ،اٹارنی جنرل کی احمد فرہاد کی بازیابی کی یقین دہانی پر سماعت ملتوی

عدالت کا احمد فرہاد کے طبی معائنے کا حکم