عدلیہ مخالف مہم، وفاقی حکومت نے جے آئی ٹی تشکیل دے دی

اسلام آباد: جے آئی ٹی میں حساس اداروں کے افسران بھی شامل ہوں گے-

باغی ٹی وی: سوشل میڈیا پر سپریم کورٹ کے ججز کے خلاف مہم کا معاملہ، وزرات داخلہ نے 6 رکنی تحقیقاتی کمیٹی قائم کردیایڈیشنل ڈائریکٹر جنرل ایف آئی اے کی سربراہی میں جے آئی ٹی تشکیل دی گئی ،جس کا نوٹیفکیشن جاری کر دیا گیا ہے،نوٹیفکیشن کے مطابق جے آئی ٹی میں حساس اداروں کے افسران بھی شامل ہوں گے-

نوٹیفکیشن کے مطابق ایڈیشنل ڈائریکٹر جنرل سائبر کرائم ونگ ایف آئی اے کمیٹی کے کنوئنئیر ہوں گےکمیٹی میں گریڈ 20 کے آئی بی اور آئی ایس آئی کا رکن بھی شامل ہوگا کمیٹی میں اسلام آباد پولیس کے ڈی آئی جی بھی بطور ممبر شامل ہوں گے پی ٹی اے کا نمائندہ بھی کمیٹی میں شامل ہوگا-

ہم کسی صورت الیکشن سے بائیکاٹ نہیں کریں گے،بیرسٹر گوہر

نوٹیفکیشن کے مطابق کمیٹی مہم میں ملوث ذمہ داران کا تعین کرے گی، کمیٹی ایسے واقعات کی روک تھام کے لیے تجاویز بھی مرتب کرے گی، کمیٹی 15 روز میں وزارت داخلہ کو اپنی رپورٹ جمع کروائے گی، ایف آئی اے ہیڈکوارٹر بطور کمیٹی سیکرٹریٹ استعمال ہوسکے گا-

یو اے ای میں کام کرنے والے پاکستانیوں کی ترسیلات زر میں اضافہ

دوسری جانب وکلا تنظیموں نے چیف جسٹس پاکستان قاضی فائز عیسٰی کے خلاف مہم چلانے والوں کے خلاف اسلام آباد میں پاکستان بار اور سپریم کورٹ بار کے نمائندگان نے پریس کانفرنس میں پی ٹی اے اور ایف آئی اے سے سخت کارروائی کا مطالبہ کیا۔

صدرسپریم کورٹ بار شہزاد شوکت کا کہنا تھا کہ ہم ججزکے ساتھ کھڑے ہیں، فیصلے پر تنقید کرنے کے بجائے ججز کو نشانہ بنایا جا رہا ہے، وکلا ججز پر تنقید برداشت نہیں کریں گے، جب فیصلے میں درج ہے کہ انتخابات نہیں کرائے تو کرانے چاہیے تھے۔

رواں ہفتے موسم بارشیں ہوں گی یا نہیں، محکمہ موسمیات نے بتا دیا