پاکستان میں ان دنوں عالمی وبا کورونا وائرس سے بچاؤ کی ویکسین لگانے کی مہم جاری ہے اور اب تک متعدد فنکار کورونا ویکسین لگوا چکے ہیں-
باغی ٹی وی : پاکستان شوبز کے نامور اداکار عدنان صدیقی نے بھی ویکسین لگوالی ہے اداکار نے سوشل میڈیا پر ویکسین لگوانے کے اس تجربے کو شیئر کیا۔
عدنان صدیقی نے اپنے تصدیق شدہ انسٹاگرام اکاؤنٹ پرویڈیو شیئر کی ویڈیو میں عدنان صدیقی کراچی کے آرٹس کونسل میں موجود ہیں اور عالمی وبا کورونا وائرس کی تیسری لہر سے بچاؤ کے لیے ویکسین لگوا رہے ہیں ویڈیو کے کیپشن میں اداکار نے بتایا کہ انہوں گزشتہ روز ویکسین لگوائی تھی۔
عدنان صدیقی نے کہا کہ ‘ایمانداری سے، ابتدا میں، میں انجیکشن سے تھوڑا سا گھبرایا تھا، ظاہر ہے آپ جوان ہوں یا بوڑھے یہ وہ چیز ہے جو آپ کو ہر مرتبہ خوفزدہ کردیتی ہے۔
اداکار نے مزید لکھا کہ میرے اہلخانہ اور دوستوں نے ویکسین لگوانے سے قبل اور بعد مجھ سے متعدد سوالات پوچھے جو ویکسین کے محفوظ ہونے سے متعلق پریشان بھی تھے۔
عدنان صدیقی نے لکھا کہ ہاں جی، میں نے ویکسنیشن کے اثرات سے متعلق رپورٹس بھی پڑھی ہیں جس نے لوگوں کو ہوشیار کردیا ہے۔
انہوں نے کہا کہ میں بھی اس حوالے سے شکوک و شبہات کا شکار تھا پھر میں نے اپنے دوست ڈاکٹر جنید علی شاہ سے مشاورت کی تھی جنہوں نے مجھے یقین دلایا کہ میرے خدشات بے بنیاد ہیں اور ویکسین لگوانے کا کہا۔
عدنان صدیقی نے بتایا کہ اللہ کے فضل و کرم سے میں بالکل ٹھیک محسوس کررہا ہوں۔
First dose done ✅ #COVID19Vaccine #earliertoday #StaySafeStayHealthy #artscouncil #Karachi pic.twitter.com/Kj3U9xYgvE
— Adnan Siddiqui (@adnanactor) April 18, 2021
واضح رہے کہ اب تک متعدد فنکار کورونا ویکسین لگوا چکے ہیں جس میں جاوید شیخ ، راحت کاظمی ، ثمینہ پیرزادہ، ریما خان ، بشریٰ انصاری ،عفت عُمر، حنا خواجہ، سیمی راحیل، میرا اور ارمینہ خان و دیگر شامل ہیں-
