افغان مسئلے پر ریاست کو اپنی پالیسی واضح کرنی چاہئے،بلاول زرداری

افغان مسئلے پر ریاست کو اپنی پالیسی واضح کرنی چاہئے،بلاول زرداری
باغی ٹی وی کی رپورٹ کے مطابق پیپلز پارٹی کے چیئرمین بلاول زرداری نے کہا ہے کہ افغانستان میں افغان عوام مشکل دور سے گزررہے ہیں

بلاول زرداری کا کہنا تھا کہ ہم افغان عوام کی بہادری کو سلام پیش کرتے ہیں ،افغانستان کی موجودہ صورتحال تشویشناک ہیں،افغانستان میں صورتحال پر حکومت پالیسی واضح کرے،افغانستان میں شہریوں کی جان و مال کے تحفظ کویقینی بنانا چاہیے،افغانستان میں جاری صورتحال سے پاکستان پر بھی اثرات مرتب ہوں گے پاکستان میں نیشنل ایکشن پلان پر عمل ہوناچاہیے،ٹی ٹی پی اور دیگر دہشتگرد تنظیموں نے پاکستانی عوام کونشانہ بنایا، افغانستان میں اہل تشیع کو آزادی سے عزاداری کا موقع دیاجائے،داسو ، کوئٹہ اور کراچی میں حال ہی میں دہشتگرد حملے ہوئے، سی پیک منصوبوں کو سیکیورٹی فراہم کرنی چاہیے،حکومت کو دہشتگردوں کو خوش کرنے کی روش ترک کرنا ہوگا،سی پیک کی سیکیورٹی کا از سر نو جائزہ لیاجائے

بلاول زرداری کا مزید کہنا تھا کہ ریاست پاکستان کوفاٹا اور بلوچستان کے نوجوانوں کو انگیج کرنا چاہیے ریاست پاکستان کو آئینی اور قانونی وعدے پورے کرنے پڑینگے،افغانستان میں جاری صورتحال پر پارلیمان کو اعتماد میں لیاجائے،اسٹیک ہولڈرز کو دعوت دینگے افغان بھائیوں کو تحفظ فراہم کیا جائے ریاست کو قوم پرستوں کو ساتھ لیکر چلنا ہوگا ہمیں اپنی خودمختاری کی حفاظت کرنا ہوگی،ہمیں افغان پناہ گزینوں کے معاملے کو دیکھنا پڑے گا،پاکستان کے ایک انچ کو بھی دہشت گردوں کے حوالے نہیں کرنے دیں گے دہشت گردوں کے خلاف کارروائیاں تیز کی جائیں تاکہ یہ عناصر پنپنے نہ پائیں،ہم حالات کو دیکھ کر پالیسی بنائیں گے،وزیراعظم نے ہرمعاملے پر اپناموقف اپنایا ہے اورپھر اس پر یوٹرن لیتے ہیں،