اسلام آباد کے ڈپلومیٹک انکلیو میں خود کو امریکی سفارت خانے کا اہلکار ظاہر کرنے والا ایک افغان شہری گرفتارکر لیا گیا
ملزم، جس کی شناخت حارث کے نام سے ہوئی ہے، کو گیٹ نمبر 2 کے ذریعے دو خواتین کے ہمراہ ایک گاڑی میں ڈپلومیٹک انکلیو میں داخل ہوتے ہوئے جعلی امریکی سفارت خانے کا کارڈ رکھنے پر گرفتار کیا گیا۔قانون نافذ کرنے والے اور انٹیلیجنس ادارے پہلے ہی ملزم کی نشاندہی کر چکے تھے اور اس کی سرگرمیوں پر نظر رکھے ہوئے تھے۔پولیس نے انٹیلیجنس اداروں کی مدد سے ملزم کو گرفتار کیا۔افغان شہری متعدد فراڈ مقدمات میں مطلوب تھا اور اس کے خلاف امریکی سفارت خانے میں بھی شکایات درج تھیں۔گرفتار افغان شہری کو مزید تفتیش کے لیے سیکریٹریٹ تھانے منتقل کر دیا گیا ہے۔
