بلوچستان کے ضلع چاغی میں واقع سب سے بڑے افغان مہاجر کیمپ گردی جنگل کو ضلعی انتظامیہ اور دالبندین رائفل کی مشترکہ کارروائیوں کے بعد مکمل طور پر خالی کرا لیا گیا ہے، جس کے بعد تمام 70 ہزار افغان مہاجرین کو رجسٹریشن کے بعد افغانستان روانہ کر دیا گیا۔
ذرائع کے مطابق ضلعی انتظامیہ چاغی اور دالبندین رائفل نے کیمپ میں رہائش پذیر تمام افغان مہاجرین کی باقاعدہ دستاویزی کارروائی مکمل کرنے کے بعد انہیں سرحد پار منتقل کیا۔ کیمپ کے خالی ہونے کے بعد انتظامیہ نے یہاں موجود خالی گھروں، دکانوں اور دیگر غیر قانونی ڈھانچوں کو مسمار کرنے کا عمل بھی شروع کر دیا ہے۔موصولہ فوٹیج میں دیکھا جا سکتا ہے کہ کیمپ کے اندر خالی عمارتوں کی توڑ پھوڑ جاری ہے۔ حکام کے مطابق تمام مہاجرین کو مکمل ریکارڈنگ اور تصدیق کے بعد ہی روانہ کیا گیا۔
گردی جنگل کیمپ علاقائی سطح پر سب سے بڑا افغان مہاجر کیمپ تھا، جہاں تقریباً 70 ہزار افراد برسوں سے رہائش پذیر تھے۔ تمام مہاجرین کی واپسی کے بعد کیمپ اب مکمل طور پر خالی ہو چکا ہے۔ذرائع نے مزید بتایا کہ 26 نومبر 2025 سے لجّے افغان مہاجر کیمپ میں بھی کارروائیاں شروع ہو چکی ہیں۔ ضلعی انتظامیہ کے مطابق یہ اقدامات ریاستی پالیسی کے مطابق کیے جا رہے ہیں، اور جیسے ہی لجّے کیمپ خالی ہوگا، وہاں موجود تمام غیر قانونی تعمیرات بھی ہٹا دی جائیں گی
بنگلادیش، خالدہ ضیاء کی حالت نازک، آئی سی یو میں زیر علاج
چیف آف ڈیفنس فورسز کے نوٹیفکیشن پرعمل شروع کر دیا گیا
