سیالکوٹ : جعلی دستاویزات پر سعودی عرب جانے والا افغانی5 ایجنٹوں سمیت گرفتار

سیالکوٹ ،باغی ٹی وی(سٹی رپورٹر شاہد ریاض)جعلی دستاویزات پر سعودی عرب جانے والا افغانی5 ایجنٹوں سمیت گرفتار
ایف آئی اے امیگریشن کی سیالکوٹ ائرپورٹ پر بڑی کارروائی جعلی سفری دستاویزات پر بیرون ملک جانے والا مسافر 5 ایجنٹوں و سہولتکاروں سمیت گرفتار،ڈپٹی ڈائریکٹر علی امام زیدی کی ہدایت پر کارروائی کرتے ہوئے ملزمان کو گرفتار کر لیا گیا۔

نجیب اللہ نامی افغان مسافر نے پاکستانی پاسپورٹ پر سعودی عرب جانے کی کوشش کی۔ ملزم فلائٹ نمبر پی کے GF773 سے سعودی عرب جا رہا تھا۔ ملزم کے پاکستانی پاسپورٹ پر جعلی پروٹیکٹر اسٹیمپ بھی لگی ہوئی تھی۔ملزم کی نشاندہی پر ائرپورٹ کی پارکنگ سے 5 ایجنٹوں و سہولتکاروں کو گرفتار کیا گیا۔ گرفتار ہونے والے ملزمان میں محمد احد، شیراز خان، فیاض خان، وحید اور نعیم شامل۔

ابتدائی تفتیش کے مطابق ملزم نے گرفتار ایجنٹوں کے ذریعے پاکستانی پاسپورٹ حاصل کیا۔ ملزمان کو مزید کارروائی کے لئے ایف آئی اے اینٹی ہیومن ٹریفیکنگ سرکل گجرات منتقل کر دیا گیا۔

انسانی سمگلنگ جیسے گھناونے جرم میں ملوث عناصر کے خلاف سخت کریک ڈاون جاری ہے۔ جعلی سفری دستاویزات بنانے میں ملوث ایجنٹ مافیا کے خلاف گھیرا تنگ کیا جا چکا ہے