ہلمند: افغانستان کے جنوبی صوبے ہلمند میں کندہار-ہرات ہائی وے پر گاڑیوں کا خطرناک تصادم ، 21 افراد جاں بحق اور 38 زخمی ہوگئے۔
باغی ٹی وی : برطانوی خبررساں ادارے روئٹرز کے مطابق صوبائی حکومت نے بتایا کہ بدترین ٹریفک حادثے میں 21 افراد لقمہ اجل بن گئے،ہلمند کی صوبائی حکومت کے محکمہ اطلاعات کے سربراہ شیر محمد وحدت نے بتایا کہ حادثہ کندہار-ہرات ہائی وے پر پیش آیا جہاں ایک موٹرسائیکل، ایندھن سے بھرا ہوا ٹرک اور مسافر بس آپس میں ٹکرا گئے ٹریفک حادثے میں زخمی ہونے والوں کی تعداد 38 ہے۔
واضح رہے کہ افغانستان میں دہائیوں سے جاری جنگ کی وجہ سے کمزور انفراسٹرکچر ہے، اسی لیے ٹریفک حادثات معمول بن گئے ہیں جہاں 2021 میں غیرملکی فوجیوں کے انخلا کے بعد طالبان کی حکومت قائم ہے۔
