افغانستان میں طالبان حکام نے قطر کی ثالثی کے تحت زیرِ حراست امریکی شہری امیر امیری کو رہا کر دیا ہے۔
امیر امیری دسمبر 2024ء سے افغانستان میں زیرِ حراست تھے جو گزشتہ روز، اتوار کو امریکا واپس روانہ ہو گئے،امریکی شہری کی رہائی امریکا کے خصوصی ایلچی ایڈم بوہلر کے دورۂ افغانستان کے دوران ہوئی،طالبان حکومت نے اگست 2021ء میں امریکی اور نیٹو افواج کے انخلا کے بعد اقتدار میں آنے کے بعد یہ پانچواں امریکی شہری رہا کیا ہے،امریکی وزیرِ خارجہ مارکو روبیو نے امیری کی رہائی کا خیر مقدم کرتے ہوئے کہا کہ یہ اقدام اس بات کا ثبوت ہے کہ امریکی حکومت اپنے شہریوں کو بیرونِ ملک ناجائز حراست سے نکالنے کےلیے پُرعزم ہے۔
طالبان نے امریکی خصوصی نمائندے برائے یرغمالی امور کی کابل آمد کے بعد ایک اور امریکی شہری کو رہا کیا،یہ وفد کا کابل کا تیسرا دورہ ہے اور اب تک ان مذاکرات کے نتیجے میں طالبان کی قید سے پانچ امریکی شہریوں کی رہائی عمل میں آچکی ہے۔
