ڈاکٹر عافیہ کی رہائی کیلئے انسانی حقوق کے رضاکاروں اور ڈاکٹر عافیہ کے سپورٹرز نے امریکی ریاست ٹیکساس میں واقع ایف ایم سی کارسویل جیل کے باہر ایک مرتبہ پھر پرامن مظاہرہ کیا جس میں مرد، عورتوں اور بچوں نے شرکت کی۔
باغی ٹی وی کی اطلاعات کے مطابق مظاہرے میں معروف مسلم اسکالر امام عمر سلیمان نے بھی شرکت کی اور اس موقع پر شرکاء سے خطاب بھی کیا۔واضح رہے کہ ایف ایم سی کارسویل جیل کی انتظامیہ امام عمر سلیمان کو ڈاکٹر عافیہ سے ملاقات کی اجازت نہیں دے رہی ہے۔ واضح رہے کہ ڈاکٹر عافیہ کی رہائی کیلئے پلان بی کا آغاز کر دیا گیا ہے۔ جبکہ ڈاکٹر عافیہ کے وکیل کلائیو اسٹافورڈ اسمتھ کہہ چکے ہیں کہ ڈاکٹر عافیہ پر جیل میں جنسی حملوں کا سلسلہ جاری ہے اور انہیں گوانتاناموبے کے قیدیوں سے بھی زیادہ برے حالات کو برداشت کرنا پڑ رہا ہے۔
چند ماہ قبل ملک کے معروف ماہرنفسیات ڈاکٹر اقبال آفریدی نے ایف ایم سی کارسویل جیل میں عافیہ کا طبی معائنہ کیا تھا۔ ان کی رپورٹ کے مطابق ڈاکٹر عافیہ کو فوری طور پر طبی امداد کی ضرورت ہے جو انہیں امریکی بیورو آف پرزنر کی طرف سے نہیں دی جار ہی ہے۔ جبکہ اس کے برخلاف وزارت امور خارجہ (Mofa) اسلام آباد ہائی کورٹ سے درخواست کر رہی ہے کہ ڈاکٹر عافیہ کی صحت، زندگی اور رہائی سے متعلق دائر آئینی پٹیشن نمبر 3139/2015 کو خارج کیا جائے۔
ٹیرف میں اضافہ، ایپل نے لاکھوں آئی فون بھارت سے نکال لیے
کراچی، پراسیسنگ زون کی فیکٹری میں آگ لگ گئی ، ریسکیو آپریشن جاری
ٹرمپ کا دورۂ سعودی عرب ، تیاری کیلئے سعودی وزیر خارجہ امریکہ پہنچ گئے
