لاہور:وزیر آباد حملے کے بعد عمران خان کی ہسپتال سے تصویر سامنے آ گئی ، یہ بھی معلوم ہوا ہے کہ عمران خان شوکت خانم میں زیر علاج ہیں ڈاکٹر نے انکا آپریشن کیا ہے۔ ابھی وہ پریس کانفرنس کر رہے ہیں اس دوران عمران خان کی تصویر سامنے آئی ہے عمران خان کے پاوں پر پٹی لگی ہوئی ہے
عمران خان کا کہنا تھا کہ مجھے چار گولیاں لگیں۔ مجھے قتل کرنے کی کوشش کی گئی۔مراسلہ آیا امریکہ نے حکم دیا بلکہ دھمکی دی کہ اسکو ہٹاو پھر عدم اعتماد آ جاتی ہے ۔ ہمارے پاس گورنمنٹ کے وسائل تھے منڈی لگی ہوئی تھی ہم زیادہ پیسے آفر کر سکتے تھے لیکن انہوں نے چوری کا پیسہ لگایا اور لوگ خریدے۔ ہم نے فیصلہ کیا کہ حکومت کا پیسہ استعمال نہیں کریں گے ۔ہماری حکومت گر جاتی ہے سارے سمجھتے تھے کہ تحریک انصاف کی قبر کھد گئی میں خود حیران ہوں کہ دس تاریخ کو لوگ سڑکوں پر نکلے بشری بیگم بھی حیران تھیں۔ حکومت جانے پر مٹھائی بانٹی جاتی ہے لیکن میری حکومت جانے کے بعد ایسا نہیں ہوا۔ عوام کا پیسہ معاف کر کے این آر او مشرف نے دیا کرپشن کے کیسز بنتے ہیں چار گنا قرضہ پاکستان کا بڑھ جاتا ہے۔
عمران خان کا کہنا تھا کہ گرمی کی انتہا لیکن عوام کو دیکھ کر حوصلہ ہوا لانگ مارچ کا ہم نے اعلان کیا ۔ تین لانگ مارچ انہوں نے ہمارے دور میں کیے اور وہ ہمارا حق ہے لیکن انہوں نے ہمارے اوپر تشدد کیا اسکے بعد پر امن احتجاج ہوا تو اس پر شیلنگ کی گئی ۔ ہم حیران کہ انکے لیے لانگ مارچ جائز ہے ہمارے لیے نہیں ہم احتجاج کریں تو بھیڑ بکریوں کی طرح ڈنڈے مارے جائیں انہوں نے سمجھا کہ پارٹی ختم ہو جائے گی لیکن ایسا نہیں ہوا۔ قوم حکومت کو مسترد کر چکی ہے۔ ضمنی الیکشن 17 جولائی کو ہوا الیکشن کمیشن نے دھاندلی کی حکومتی مشنری استعمال ہوئی پھر بھی ہم جیتے ای وی ایم استعمال نہیں کی گئی تا کہ دھاندلی ختم نہ ہو۔
لانگ مارچ میں زخمی ہونے کے بعد پاکستان تحریک انصاف کے چیئر مین اور سابق وزیراعظم عمران خان نے کہا ہے کہ وزیرآباد حملے میں انہیں 4 گولیاں لگی ہیں۔
وزیر آباد میں پاکستان تحریک انصاف کے لانگ مارچ میں زخمی ہونے کے بعد شوکت خانم ہسپتال میں زیر علاج سابق وزیراعظم نے کہا کہ میرے اوپرحملہ کیا گیا اور مجھے مارنے کی کوشش کی گئی، ڈاکٹرفیصل بتائیں گے مجھے کدھرگولیاں لگیں۔ لانگ مارچ میں روانہ ہونے سے ایک دن پہلے پتا چلا تھا کہ وزیر آباد یا گجرات میں مجھے مارنے کا منصوبہ بنایا گیا ہے۔
اس دوران ڈاکٹر فیصل سلطان نے میڈیا بریفنگ کے دوران بتایا کہ عمران خان کودائیں ٹانگ میں گولیاں لگیں۔
پاکستان تحریک انصاف (پی ٹی آئی) کے چیئر مین اور سابق وزیراعظم عمران خان نے کہا ہے کہ ڈاکٹرز مجھے اجازت دیں تو فوری لانگ مارچ کو آگے بڑھاؤں۔
سینئر رہنماؤں سے گفتگو کرتے ہوئے پاکستان تحریک انصاف کے چیئر مین نے کہا کہ اگر مجھے ڈاکٹرز جانے دیں تو میں فوری اسی مقام پر پہنچ جائوں اور لانگ مارچ کو آگے بڑھائوں، میری کوشش ہے کہ ابھی عوام کے درمیان پہنچ جائوں۔
انہوں نے کہا کہ اللہ کا شکر ہے بچت ہو گئی ورنہ مارنے والوں نے کوئی کسر نہ چھوڑی، ایسے ڈرائیں گے تو میں ڈرنے والا نہیں ہوں، اس سے میں مزید مضبوط ہوا ہوں، ہم قانونی اور آئینی طریقے سے پرامن لانگ مارچ کررہے تھے لیکن دشمن نے بزدلوں والا کام کیا۔
پی ٹی آئی چیئر مین کا کہنا تھا کہ میرا موازنہ نوازشریف سے کر رہے ہیں، نوازشریف کہہ رہا ہے لیول پلائنگ فیلڈ نہیں، وہ چاہتا ہے الیکشن کمیشن مجھے نااہل کرے، چیف الیکشن کمشنر شریف خاندان کا نوکر ہے، مجھ پرغلط الزام لگائے، چیف الیکشن کمشنر پر ہرجانہ دائر کروں گا، تحریک انصاف نے 40 لاکھ ڈونرزکا ریکارڈ دیا، باقی کسی پارٹی نے اپنے کسی ڈونرزکا ریکارڈ نہیں دیا،
سابق وزیراعظم کا کہنا تھا کہ اب پتا چلا کہ عوام کدھرکھڑی ہے، آپ تھوڑا وقت سب کو پاگل بنا سکتے ہیں ہر وقت نہیں، 9 سیٹوں میں سے 8سیٹیں جیتا ہوں جو ورلڈ ریکارڈ ہے، عوام بتا رہی ہے وہ کدھر کھڑے ہیں لیکن عوام کی نہیں سنی جا رہی۔
پی ٹی آئی چیئرمین کا کہنا تھاکہ گولیوں کا ایک برسٹ آتا ہے تو گولی لگتی ہے اور گر رہا ہوتاہوں تو دوسری طرف سے ایک برسٹ آتا ہے، ایک پکڑا گیا تو کہا گیا وہ جنونی انتہا پسند ہے لیکن وہ انتہا پسند نہیں یہ منصوبہ بندی کی تھی، ہم نے ایف آئی آر درج کرنے کی کوشش کی ہے لیکن ایف آئی نہیں ہوئی، یہ سب ڈرتے ہیں۔
انہوں نے کہا کہ اس قوم کے سامنے دو راستے ہیں، پر امن یا خونی انقلاب آئے گا، قوم کھڑی ہوگئی ہے۔ سابق وزیراعظم کا کہنا تھاکہ میں ٹھیک ہونے پر پھر اسلام آباد کی کال دوں گا، میں جیسے ہی ٹھیک ہوگا پھر سڑکوں پر نکلوں گا، جیسے ہی ٹھیک ہوں گا، کال دوں گا، سڑکوں پر نکلوں گا
Leave a reply
