تنگوانی (باغی ٹی وی،نامہ نگارمنصوربلوچ) تنگوانی میں بدامنی اور سندھوں دریا سے نئی کینال نکالنے کے خلاف جسقم کی جانب سے احتجاجی ریلی نکالی گئی اور دھرنا دیا گیا۔
احتجاجی دھرنے سے خطاب کرتے ہوئے جسقم کے چیئرمین صنعان قریشی نے کہا کہ سندھوں دریا سے نئے کینال نکالنا نامنظور ہے اور ہم سندھ حکومت کی ایسی پالیسیوں کو مسترد کرتے ہیں۔
صنعان قریشی نے مزید کہا کہ سندھ کے چار اضلاع، کشمور، گھوٹکی، شکارپور، اور سکھر میں امن و امان کی صورتحال انتہا درجے تک خراب ہے۔ ہم اس کے خلاف احتجاج کرتے ہیں اور اس صورتحال کی مذمت کرتے ہیں۔ انہوں نے مطالبہ کیا کہ فوری طور پر ان اضلاع میں امن و امان بحال کیا جائے، ورنہ مزید سخت احتجاج کیا جائے گا۔
جسقم جساف کے چیئرمین نے اقلیتی ہندو برادری پر ہونے والے ظلم و ستم کو بھی روکنے کا مطالبہ کیا اور کہا کہ ان مظالم کو فوراً ختم کیا جانا چاہیے۔
