مسلم ممالک کو متحد کر کے ایک واضح پیغام دینا چاہیے کہ غزہ پر حملے ناقابلِ برداشت ہیں،صدر مرکزی مسلم لیگ
پاکستان مرکزی مسلم لیگ کے صدر خالد مسعود سندھو نے کہا ہے کہ ایران اسرائیل جنگ بندی کے بعد اہل غزہ پر بھی مظالم کا سلسلہ بند ہونا چاہئے، ا سرائیل کی جانب سے نہتے فلسطینیوں پر بمباری جاری ہے۔ امدادی مراکز، کیمپوں اور رہائشی علاقوں پر بمباری نے اسرائیل کے اصل چہرے کو دنیا کے سامنے بے نقاب کر دیا، اگر اسرائیل ایران سے جنگ بندی کر سکتا ہے تو غزہ میں خونریزی کیوں،عالمی برادری ،انسانی حقوق کے ادارے غزہ میں بھی جنگ بندی کروائیں
خالد مسعود سندھو کا کہنا تھا کہ اسرائیلی حملوں میں ایک دن میں غزہ میں 43 فلسطینی شہید ہوئے جن میں 13 وہ معصوم شہری تھے جو صرف امداد لینے کے لیے قطار میں کھڑے تھے،یہ کارروائیاں بین الاقوامی انسانی قوانین، جنیوا کنونشن، اور اقوام متحدہ کے چارٹر کی کھلی خلاف ورزی ہیں، اسرائیل فلسطینیوں کی نسل کشی پر تلا ہوا ہے،عالمی دنیااسرائیل کو غزہ پر حملے روکنے پر مجبور کرے، فلسطینی عوام کی نسل کشی بند کروائیں، پاکستان کو سفارتی سطح پر بھرپور آواز بلند کرنی چاہیے اور مسلم ممالک کو متحد کر کے ایک واضح پیغام دینا چاہیے کہ غزہ پر حملے ناقابلِ برداشت ہیں،مرکزی مسلم لیگ اہل غزہ کے ساتھ کھڑی ہے،او آئی سی اسرائیل کے خلاف معاشی، تجارتی، اور سفارتی پابندیوں کا اعلان کرے،فلسطینیوں کو فوری انسانی امداد، طبی سہولیات، اور پناہ گاہوں کی فراہمی کے لیے ایک جامع امدادی مشن ترتیب دیا جائے.
