آزاد کشمیر ہائیکورٹ نے شاعر احمد فرہاد کی ضمانت منظورکرلی ہے
آزاد کشمیر ہائیکورٹ میں احمد فرہاد ضمانت کیس کی سماعت ہوئی، عدالت نے احمد فرہاد کی درخواست ضمانت منظور کر لی، عدالت نے احمد فرہاد کو دو لاکھ روپے کے مچلکے جمع کروانے کا حکم دے دیا،عدالت نے احمد فرہاد کو رہا کرنے کا حکم دے دیا. چیف جسٹس مظٖر آباد ہائیکورٹ صداقت حسین راجہ نے ریمارکس دیتے ہوئے کہا کہ عدالتی نظام کی خرابی کی وجہ سے احمد فرہاد کو سزا بھگتنی پڑی ،آج کل کے جج بھی سیاستدانوں کی طرح میڈیا کو دیکھتے ہیں کہ آج میڈیا پر میری خبر چلی ہے کہ نہیں ، پھر تاثر دیا جاتا ہے کہ آزاد کشمیر کا عدالتی نظام مضحکہ خیز ہے ، آزاد کشمیر ایک چھوٹی سی ریاست ہے اور ہمارا اپنا عدالتی نظام ہے،
شوہر کو سمجھائیں،شاعری کرے،صحافت نہ کرے،چیف جسٹس مظفر آبادہائیکورٹ
چیف جسٹس مظفر آبادہائیکورٹ نے احمد فرہاد کی فیملی کو تنبیہہ کی کہ؛ ” آپ اپنے شوہر کو سمجھائیں کہ وہ بے شک اپنی شاعری کے ذریعے جذبات کا اظہار کرے”احمد فرہادصرف شاعری کرے ،صحافت نہ کرے ،چیف جسٹس مظفر آباد ہائیکورٹ نے 2 لاکھ مچلکے کے عوض احمد فرہاد کی ضمانت منظور کرتے ہوئے عدالت برخاست کر دی
واضح رہے کہ احمد فرہاد مئی کے مہینے میں اسلام آباد سے لاپتہ ہوئے تھے جس کے بعد احمد فرہاد کی بازیابی کے لیے ان کی اہلیہ عروج زینب نے اسلام آباد ہائیکورٹ میں درخواست دائر کی تھی،اس کے بعد د آزاد کشمیر پولیس نے ان کی گرفتاری ظاہر کی تھی۔ احمد فرہاد کی ٹرائل کورٹ میں درخواست ضمانت مسترد ہو گئی تھی جس کے بعد انہیں جیل بھجوا دیا گیا تھا.
احمد فرہاد کی بازیابی کیس، گزشتہ سماعت کا تحریری حکمنامہ جاری
وفاقی حکومت نے شاعر اور صحافی احمد فرہاد کی گرفتاری ظاہر کر دی
اسلام آباد ہائیکورٹ،اٹارنی جنرل کی احمد فرہاد کی بازیابی کی یقین دہانی پر سماعت ملتوی
عدالت کا احمد فرہاد کے طبی معائنے کا حکم
