جنازے میں بھی چور گھس آئے، احسن اقبال کا موبائل چوری کر لیا گیا
وفاقی وزیر احسن اقبال پنجاب کے شہر شیخوپورہ میں ن لیگی رکن پنجاب اسمبلی رانا افضال حسین کے نماز جنازہ میں شیخوپورہ آئے، نماز جنازہ ادا کی، اس دوران نامعلوم چور نے وفاقی وزیر احسن اقبال کے جیب سے موبائل فون نکال لیا اور فرار ہو گیا،موبائل فون چوری ہونے کی اطلاع احسن اقبال نے پولیس کو دی جس پر پولیس کا کہنا ہے کہ موبائل فون ٹریس کرنے کی کوشش کی جا رہی ہے جلد موبائل فون چور کو گرفتار کر لیا جائے گا
احسن اقبال کا موبائل فون چوری ہونے پر اہم ڈیٹا لیک ہونے کا بھی امکان ہے، پولیس حکام کے مطابق نماز جنازہ کے موقع پر سیکورٹی کے سخت انتظامات کئے گئے تھے، نماز جنازہ کے موقع پر موبائل فون چوری ہونے پر شہریوں نے حیر ت کا اظہار کیا اور کہا کہ کیا چوروں کو موت کا کوئی غم نہیں، نماز جنازہ پڑھنے آنے والوں کو بھی نہیں بخشتے،
