شانگلہ:جیپ کھائی میں گرنے سے ایک ہی خاندان کے 8 افراد جاں بحق

شانگلہ میں جیپ کھائی میں گرنے سے ایک ہی خاندان کے 8 افراد جاں بحق ہوگئے۔

باغی ٹی وی: پولیس کے مطابق واقعہ تحصیل الپوری کے علاقے پاگوڑی میں پیش آیا جہاں تیز رفتاری کے باعث جیپ کھائی میں جاگری، حادثے کے نتیجے میں 6 افراد موقع پر ہی جاں بحق ہوگئے جبکہ 2 زخمیوں کو اسپتال منتقل کیا گیا جہاں دونوں زخمی دم توڑ گئے۔

وزیر داخلہ محسن نقوی نے حادثے میں قیمتی جانوں کے ضیاع پر افسوس کا اظہار کرتے ہوئے جاں بحق افراد کے لواحقین سے دلی ہمدردی و تعزیت کا اظہار کیا ہے۔

دوسری جانب وفاقی دارالحکومت میں مارگلہ پہاڑیوں پر چار مقامات پر لگنے والی آگ پر پاک فوج کی معاونت سے کئی گھنٹے کی جدوجہد کے باوجود بھی مکمل قابو نہ پایا جاسکا شدید گرمی کے باعث اسلام آباد میں قائم مارگلہ کی پہاڑیوں سے اچانک آگ لگی جو دیکھتے ہی دیکھتے چار مقامات پر پھیل گئی اور اس کا دھواں کئی کلومیٹر دور سے بھی نظر آنے لگا۔

ملک میں بجلی کا شارٹ فال 4 ہزار میگاواٹ ہوگیا

آتشزدگی کے باعث اٹھنے والا دھواں شہر میں پھیلا جس کے باعث شہریوں کو سانس لینے میں تھوڑی دشواری پیش آئی انتظامیہ نے ریسکیو 1122 کی مدد سے آگ پر قابو پانے کی کوشش کی تاہم اس میں ناکامی کا سامنا رہا وزیراعظم شہباز شریف نے مارگلہ کی پہاڑیوں پر لگنے والی آگ پر تشویش کا اظہار کرتے ہوئے اس کو بجھانے کے لیے فوری اقدامات کی ہدایت کی جس پر این ڈی ایم اے نے ہیلی کاپٹرز مہیا کیے اور بڑے پیمانے پر اقدامات کر کے آگ پر قابو پایا۔

رفح کراسنگ پر اسرائیلی اور مصری فوجیوں کے درمیان جھڑپ

ترجمان این ڈی ایم اے کے مطابق مارگلہ ہلز پر چار مقامات پر آگ لگی ہوئی تھی، جس پر قابو پانے کیلئے ہیلی کاپٹرز مہیا کیے گئے، زمینی رابطہ نہ ہو نے کے باعث آگ بجھانے میں مشکلات کا سامنا کرنا پڑا، جس کے بعد ایوی ایشن اسکوارڈن اور پاک فوج کے ہیلی کاپٹرز نے آگ بجھانے میں معاونت کی۔

گرمی کی شدت آئندہ 2 سے اڑھائی ہفتے تک جاری رہے گی،ماہرین