کراچی: سندھ کے سینئر وزیر شرجیل انعام میمن نے کہا ہے کہ ہماری مسلح افواج نے بھارت کو ایسی دھول چٹا دی ہے جس کی نظیر کم ہی ملتی ہے۔ ہماری فورسز کی بہادری اور قربانی کو دنیا میں سب سے الگ مقام حاصل ہے۔
کراچی میں میڈیا سے گفتگو کرتے ہوئے شرجیل میمن نے کہا کہ پاکستان کے وزیر اعظم بلاول بھٹو زرداری نے عالمی سطح پر نریندر مودی جیسے دہشت گرد کو بے نقاب کیا ہے۔ ان کا کہنا تھا کہ بلاول بھٹو نے دنیا کو مودی کا اصل چہرہ دکھایا ہے، جس کے بعد پوری بھارتی عوام بھی مودی پر شدید تنقید کر رہی ہے۔انہوں نے مزید کہا کہ سیاسی اختلافات کو ختم کر کے ہمیں ایک متحد قوم بن کر اپنے چیلنجز کا سامنا کرنا چاہیے۔ وزیر اعلیٰ سندھ کی جانب سے تمام سیاسی جماعتوں کو ایک اجلاس میں مدعو کیا گیا ہے تاکہ ملک کی سلامتی اور ترقی کے لیے مشترکہ حکمت عملی بنائی جا سکے۔صوبائی وزیر نے کہا کہ پاکستان دہشت گردی کا سب سے زیادہ شکار ملک رہا ہے، اور ہماری افواج نے اپنے سینکڑوں جوانوں کی قربانی دی ہے تاکہ ملک میں امن قائم رہ سکے۔ انہوں نے کہا کہ پاکستان ایک متحد قوم ہے اور ہمیں یہ پیغام دنیا کے سامنے واضح کرنا ہے کہ ہم صرف امن کے خواہاں ہیں۔
