ملتان کے علاقے میں انسانیت سوز واقعہ، 23 سالہ آسیہ بی بی کی گلہ کٹی لاش سسرال کے گھر سے برآمد ہوئی۔ پولیس اور متاثرہ خاندان کے مطابق آسیہ بی بی کو بے دردی سے قتل کیا گیا، جس کے پیچھے سسرالی رشتہ داروں کا ہاتھ بتایا جا رہا ہے۔
آسیہ بی بی کی شادی صرف چھ ماہ قبل محمد رفیق نامی شخص سے ہوئی تھی، اور وہ پانچ ماہ کی حاملہ بھی تھی۔ والد کا دعویٰ ہے کہ آسیہ کو اُس کے شوہر محمد رفیق، دیور عتیق اور نند شمیم نے مل کر قتل کیا۔ ان کے مطابق سسرالی افراد شروع سے ہی آسیہ کو ذہنی اور جسمانی تشدد کا نشانہ بناتے رہے تھے۔واقعے کی اطلاع ملتے ہی پولیس حرکت میں آئی اور مقتولہ کی لاش کو پوسٹ مارٹم کے لیے نشتر اسپتال منتقل کر دیا گیا۔ پولیس حکام کے مطابق، مقتولہ کے شوہر اور دیگر مشتبہ افراد کو حراست میں لے لیا گیا ہے جبکہ تھانہ کوتوالی پولیس کی جانب سے مزید تحقیقات جاری ہیں۔
