ایک اور ٹرین میں آگ لگنے کا واقعہ، مسافروں میں خوف و ہراس

0
24

ایک اور ٹرین میں آگ لگنے کا واقعہ، مسافروں میں خوف و ہراس

باغی ٹی وی کی رپورٹ کے مطابق ریلوے میں ایک اور افسوسناک حادثہ پیش آیا ہے، حیدر آباد میں کراچی ایکسپریس کی بوگی نمبر چار میں آگ بھڑک اٹھی۔ آگ اوڈیرو لال اسٹیشن کے قریب لگی جس کے بعد ٹرین کو ایمرجنسی بریک لگا کر روک لیا گیا۔ آگ لگنے کے واقعہ کے بعد مسافروں میں خوف و ہراس پھیل گیا اور تمام مسافر بوگی سے اتر گئے

کراچی ایکسپریس لاہور جارہی تھی۔ ٹرین ماسٹر نے واقعے سے لاعلمی کا اظہار کیا ہے.

ٹرین میں سوار ایک مسافر نے سماجی رابطے کی ویب سائٹ ٹویٹر پر ٹرین کو آگ لگنے کے واقعہ کی ویڈیو شیئر کی اور کہا کہ کراچی ایکسپریس بوگی نمبر 4 میں آگ لگ گئی ھے ھم پیچھے والی بوگی میں سفر کر رھے ھیں۔ اللہ نے بڑے حادثے سے بچا لیا۔

واضح رہے کہ چند روز قبل تیز گام میں آگ لگی تھی جس کے باعث 74 مسافر جاں بحق ہو گئے تھے.

Leave a reply